निर्वाचन आयोगले गर्यो रास्वपाको केन्द्रीय समिति अध्यावधिक

नयाँ विकल्प
प्रकाशित मिती: २०८२ श्रावण २८, १८: ४४

काठमाडौं । निर्वाचन आयोगले राष्ट्रिय स्वतन्त्र पार्टी (रास्वपा)को केन्द्रीय समिति अध्यावधिक गरेको छ । आयोगको बुधबारको बैठकले रास्वपाले पदाधिकारी तथा सदस्य हेरफेरका लागि दिएको निवेदन अध्यावधिक गरेको हो । आयोगले रास्वपाले गत असार ७ मा गरेको निर्णय अनुसार पदाधिकारी हेरफेरको अद्यावधिक गरेको हो ।

अद्यावधिक गरिएको अभिलेख अनुसार महामन्त्रीमा कविन्द्र बुर्लाकोटी छन् । पदाधिकारीमा सहमहामन्त्री एक जना मात्रै रहेको अद्यावधिक गरिएको छ ।अध्यावधिक भएको विवरण अनुसार रास्वपाको १० जनाको पदाधिकारी रहेको छ भने ६२ सस्यीय केन्द्रीय समिति रहेको छ ।

प्रवक्ताको जिम्मेवारीमा मनिष झा रहेका छन् ।

निर्वाचन आयोगले रास्वपामा पदाधिकारीमा भएको हेरफेर नभएको जानकारी गराएपछि त्यसको आधारमा पूर्वमहामन्त्री मुकुल ढकाल सर्वोच्च अदालत गएका थिए । ढकालको रिट सर्वोच्चले मंगलबार खारेज गरेको छ ।