मौसमको अवस्था अब विस्तारै गर्मी चढ्ने – Naya Bikalpa
November 21, 2026, Saturday      Epaper

मौसमको अवस्था अब विस्तारै गर्मी चढ्ने

काठमाडौं ।हाल नेपालमा पश्चिमी न्यूनचापीय प्रणालीको प्रभाव रहेको छ । तर, यो कमजोर भइसकेको मौसम विज्ञान विभागले जनाएको छ ।देशका केही स्थानमा आज हिमपात र वर्षाको सम्भावना छ ।तराईमा बिहानैदेखि हुस्सु र कुहिरो लागेको छ ।
बिहान पौने ६ बजेको काठमाडौंको न्यूनतम तापक्रम ६ डिग्री सेल्सियस रहेको छ । दिउँसो बढेर १८ देखि २० डिग्री सेल्सियसम्म पुग्नेछ ।तराईमा बिहान हुस्सु र कुहिरो लागेको छ, यो मध्याह्नपछि हट्दै जानेछ ।

दिउँसो तराई भूभागका केही स्थानमा हुस्सु र कुहिरो रहनेछ । तर, मध्याह्नपछि हट्ने मौसम पूर्वानुमान महाशाखाले जनाएको छ।कोसी, वाग्मती र गण्डकी प्रदेशका उच्च पहाडी तथा हिमाली भूभागमा साधारणतया बादल लाग्नेछ । बाँकी भूभागमा आंशिक बादल लाग्ने महाशाखाले जनाएको छ ।

कोसी, वाग्मती र गण्डकी प्रदेशका उच्च पहाडी तथा हिमाली भूभागका एकदुई स्थानमा हल्का हिमपात र वर्षाको सम्भावना छ ।काठमाडौंमा भने वर्षाको सम्भावना छैन् ।विभागले राति तराई भूभागका थोरै स्थानमा हुस्सु रहने बताएको छ । कोसी, वाग्मती र गण्डकी प्रदेशका उच्च पहाडी तथा हिमाली भूभागमा आंशिक बादल लाग्नेछ । बाँकी भूभागमा मौसम मुख्यतया सफा रहनेछ ।

कोसी र गण्डकी प्रदेशको उच्च पहाडी तथा हिमाली भूभागका एकदुई स्थानमा हल्का हिमपात र वर्षाको सम्भावना छ ।वर्षा गराउने प्रणाली मंगलबार साँझबाट नै कमजोर भइसकेको छ ।अब क्रमशः तापक्रम बढ्दै जानेछ । तापक्रम बढ्दै गएर जाडो कम हुँदै जानेछ ।

सम्बन्धित समाचार

सरोजकुमार यादव मधेस प्रदेशको मुख्यमन्त्री नियुक्त
सरोजकुमार यादव मधेस प्रदेशको मुख्यमन्त्री नियुक्त
  • २०८२ माघ २१, ०७: ४२

जनकपुर । मधेस प्रदेशको मुख्यमन्त्रीमा जनता समाजवादी पार्टी (जसपा) नेपालका संसदीय दलका नेता सरोजकुमार यादव नियुक्त भएका छन् । प्रदेश...

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०८२ माघ २१, ०७: ४२

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०८२ माघ २१, ०७: ४२

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...