बालेन शाहले आज प्रधानमन्त्रीको शपथ लिने कार्यक्रम तय

नयाँ विकल्प
प्रकाशित मिती: २०८२ चैत्र १३, ०७: १०

काठमाडौँ ।आज देशले नयाँ प्रधानमन्त्री पाउँदै छ ।रास्वपाका वरिष्ठ नेता बालेन शाह(बालेन्द्र)ले शपथ लिएसँगै देशले नयाँ प्रधानमन्त्री पाउँने भएको हो । राष्ट्रपति कार्यालय शीतल निवासमा आज मध्याह्न १२ः३४ बजे राष्ट्रपति रामचन्द्र पौडेलले राष्ट्रिय स्वतन्त्र पार्टीका वरिष्ठ नेता बालेन्द्र शाहलाई प्रधानमन्त्रीको शपथ गराउने कार्यक्रम तय भएको छ ।शपथ ग्रहणका अवसरमा सात जना ब्राह्मणले शंखनाद गर्नेछन्। १०८ बटुकहरूले स्वस्तिवाचन गर्नेछन्। त्यस्तै १६ भिक्षुहरूले अष्टमंगल पाठ गर्नेछन्।

नेपालको संविधानको धारा ७६ को उपधारा १ अनुसार एकल सरकार गठन हुन लागेको हो।शपथ ग्रहण समारोहमा सहभागी हुन विभिन्न राजनीतिक दल, यहाँस्थित कूटनीतिक नियोगका प्रतिनिधि, नागरिक समाज, उच्च सरकारी अधिकारीलाई आमन्त्रण गरिसकिएको छ। प्रधानमन्त्रीको शपथसँगै मन्त्रीहरूको पनि शपथ गराइने बुझिएको छ।