- अनामनगर काठमाडौँ
- infobikalpa21@gmail.com
काठमाडौं : नेपाली कम्युनिस्ट पार्टी (नेकपा)ले आगामी मंसिर ११ देखि १५ गतेसम्म राष्ट्रिय महाधिवेशन गर्ने निर्णय गरेको छ । सोमबार पेरिसडाँडास्थित केन्द्रीय कार्यालयमा बसेको केन्द्रीय संयोजन समितिको बैठकले महाधिवेशनको मिति तय गर्दै संगठनात्मक तयारीलाई तीव्र बनाउने निर्णयसमेत गरेको हो ।
निर्धारित कार्यतालिकाअनुसार तल्लो तहदेखि माथिल्लो तहसम्मका सबै संरचनात्मक प्रक्रियाहरू पूरा गर्दै मंसिरमा महाधिवेशन सम्पन्न गर्ने योजना बनाइएको छ ।
महाधिवेशन तयारीलाई व्यवस्थित बनाउन पार्टीले चरणबद्ध कार्यक्रमसमेत तय गरेको छ । जसअनुसार जेठ मसान्तभित्र संघ, प्रदेश, पालिका, वडा तथा जनसंगठनहरूको संगठनात्मक समायोजनको काम सम्पन्न गरिनेछ । त्यसपछि असारदेखि साउनसम्म श्रम शिविर सञ्चालन गर्ने र सदस्यता नवीकरण तथा विस्तार अभियान अघि बढाइने कार्यक्रम तय गरिएको छ ।
तल्लो तहका अधिवेशनहरू पनि स्पष्ट कार्यतालिकासहित अघि बढाइएका छन् । भदौ १५ गतेभित्र वडा अधिवेशनहरू सम्पन्न गर्ने, त्यसपछि भदौ मसान्तसम्म पालिका अधिवेशनहरू टुंग्याउने योजना छ । त्यस्तै, असोज मसान्तभित्र जिल्ला अधिवेशन सम्पन्न गर्ने र कात्तिक १५ गतेभित्र प्रदेश अधिवेशन सक्ने लक्ष्य निर्धारण गरिएको छ ।
पार्टीका एक नेताका अनुसार महाधिवेशनसँग सम्बन्धित कार्यविधि, प्रतिनिधि चयन तथा दस्तावेज तयारीका विषयमा भने पछि छुट्टै निर्णय गरी मातहतका संरचनामा पठाइनेछ ।
यससँगै नेकपाले संविधान संशोधनलाई पनि प्राथमिक एजेन्डाका रूपमा अघि बढाएको छ । सरकारद्वारा संविधान संशोधनका विषयमा विभिन्न दलसँग परामर्श भइरहेका बेला नेकपाले आफ्ना धारणा तय गर्न ११ सदस्यीय मस्यौदा कार्यदल गठन गरेको छ ।
कार्यदलमा देव गुरुङ, प्रकाश ज्वाला, प्रेमबहादुर सिंह, रणध्वज कन्दङ्वा, रेखा शर्मा, ई. गणेश विक, मुक्ति प्रधान, खिमलाल देवकोटा, डम्बरविक्रम थापा, जगदेव चौधरी र रामबहादुर चौधरी सदस्य रहेका छन् । कार्यदलले पार्टीभित्र व्यापक छलफल गरी संविधान संशोधनका ठोस प्रस्ताव तयार पार्ने जिम्मेवारी पाएको बताइएको छ ।
काठमाडौं : सर्वोच्च अदालतले व्यवसायी शेखर गोल्छालाई सूचना म्याद पाएका मितिले २४ घण्टाभित्र महान्यायाधिवक्ताको कार्यालयमार्फत बन्दीसहित लिखित जवाफ पेस गर्न...
काठमाडौं : स्वास्थ्य तथा जनसंख्या मन्त्री निशा मेहताले मन्त्रालयभित्र भइरहेको इन्धन दुरुपयोगबारे अनुसन्धान गरी संलग्नलाई कारबाही गर्न निर्देशन दिएकी छन्...
एजेन्सी : अमेरिकी राष्ट्रपति डोनाल्ड ट्रम्प इरानको पछिल्लो शान्ति प्रस्तावमा असन्तुष्ट रहेको अमेरिकी मिडियाले रिपोर्ट गरेका छन् । प्रस्तावले होर्मुज...
