- अनामनगर काठमाडौँ
- infobikalpa21@gmail.com
काठमाडौं । भेनेजुएलामा आएका दुई शक्तिशाली भूकम्पपछि हालसम्म कम्तीमा १३८ वटा परकम्प गएको पुष्टि भएको छ। घटनामा मृत्यु हुनेको संख्या १८८ पुगेको छ भने एक हजार ५०० भन्दा बढी घाइते भएका छन्।
राष्ट्रिय सभाका अध्यक्ष होर्खे रोड्रिगेजले सरकारी टेलिभिजनमार्फत ७.२ र ७.५ म्याग्निच्युडका दुई भूकम्प लगभग एकै समयमा आएको जानकारी दिएका हुन्।
भूकम्पका कारण राजधानी क्षेत्र ग्रेटर काराकास र ला गुआइरा राज्यमा सबैभन्दा बढी क्षति पुगेको छ। अरागुआ, काराबोबो लगायत अन्य राज्यहरू पनि प्रभावित भएका छन्।
भूकम्पपछि हराइरहेका आफन्तको खोजीमा देशभरका परिवारजनले तस्बिरसहितका पोस्टर टाँस्न थालेका छन्। धेरैले हातैले तयार पारेका सूचीमार्फत बेपत्ता व्यक्तिको विवरण संकलन गरिरहेका छन् भने विदेशमा रहेका भेनेजुएलावासी पनि आफन्तसँग सम्पर्क गर्ने प्रयासमा जुटेका छन्।
राष्ट्रका नाममा सम्बोधन गर्दै कार्यवाहक राष्ट्रपति डेल्सी रोड्रिगेजले देशभर आपत्काल घोषणा गरेकी छन्। उनले अस्पताल तथा भत्किएका घरहरूको पुनर्निर्माणका लागि २० करोड अमेरिकी डलरको विशेष कोष स्थापना गरिने जानकारी दिइन्। साथै, पुनर्निर्माण कार्यको अनुगमन गर्न अर्थ तथा वित्त मन्त्रालयलाई निर्देशन दिइएको छ।
भूकम्पपछि राहत तथा उद्धार कार्यका लागि अमेरिकासहित युरोपेली देशहरूले पनि सहयोग उपलब्ध गराएका छन्।
काठमाडौं : संयुक्त राज्य अमेरिका र इरानबीच बढ्दो सैन्य तनावका कारण सोमबार अन्तरराष्ट्रिय बजारमा कच्चा तेलको मूल्य एक महिनायताकै उच्च...
एजेन्सी : थाइल्यान्डको राजधानी बैंककस्थित एक पबमा सोमबार मध्यरातपछि भएको भीषण आगलागीमा कम्तीमा २७ जनाको मृत्यु भएको छ भने ६३ जना...
काठमाडौं । नेपालको राजनीतिको ऐतिहासिक पृष्ठभुमि वोकेको काङ्ग्रेस गुटगत स्वार्थका कारण आफुलाई व्राण्ड दावि गर्ने र ईमान्दार कार्कर्तालाई रैतिको व्यवहार...
