- अनामनगर काठमाडौँ
- infobikalpa21@gmail.com
काठमाडौं : राष्ट्रिय स्वतन्त्र पार्टी (रास्वपा) को चितवनमा जारी प्रथम महाधिवेशनअन्तर्गत नयाँ नेतृत्व चयनका लागि मतदान भइरहेकाे छ । महाधिवेशनअन्तर्गत केन्द्रीय सदस्यहरूका लागि गएराति १२ बजेपछि मतदान सुरू भएको हाे ।
रास्वपा केन्द्रीय निर्वाचन आयोगका प्रमुख भुवन केसीका अनुसार ९९ पदका लागि विद्युतीय माध्यमबाट मतदान भइरहेकाे हो । बिहान सवा ६ बजे सम्ममा १ हजार ५७९ भोट खसेकाे निर्वाचन आयोगले जनाएकाे छ ।
यसअघि निर्वाचनको समय-तालिका पटकपटक सारिएको थियो । केसीले मतदान आज बिहान १० बजेसम्म सञ्चालन हुने जानकारी दिए । निर्वाचनमार्फत पार्टीको केन्द्रीय समिति तथा विभिन्न पदाधिकारी चयन गरिनेछ ।
निर्वाचनमा ३८४ जनाले उम्मेदवारी दर्ता गराएका छन् । सभापति पदमा भने रवि लामिछाने यसअघि नै निर्विरोध निर्वाचित भइसकेका छन् ।
गत ७ असारदेखि सुरु भएको रास्वपाको प्रथम महाधिवेशनले पार्टीको आगामी नेतृत्व चयन गर्ने भएकाले यसलाई पार्टीभित्र महत्त्वपूर्ण राजनीतिक प्रक्रियाका रूपमा हेरिएको छ ।
मध्यरातमा मतदान सुरू भएसँगै अहिले महाधिवेशन प्रतिनिधिहरू लाम लागेर मतदान हलमा प्रवेश गरिरहेका छन् । मतदान सम्पन्न भएकाे केही समयपछि मतगणना गरी परिणाम सार्वजनिक गरिने निर्वाचन आयोगले जनाएको छ ।
धनकुटा : नेपाली कांग्रेसकी सहमहामन्त्री डा. डिला संग्रौलाले पार्टीको निर्धारित महाधिवेशन आगामी असोजमै सम्पन्न हुने बताउँदै त्यसको तयारीस्वरूप देशभर क्रियाशील...
काठमाडौं : शिक्षा तथा खेलकुदमन्त्री सस्मित पोखरेलले राष्ट्रिय परीक्षा बोर्डले नतिजा समयमै प्रकाशन गर्न कुनै हतार नगरेको स्पष्ट पारेका छन् ।...
चितवन । राष्ट्रिय स्वतन्त्र पार्टी (रास्वपा) ले दोस्रो चरणअन्तर्गत पार्टी पदाधिकारी निर्वाचनको तालिका सार्वजनिक गरेको छ । केन्द्रीय निर्वाचन आयोगका...
