- अनामनगर काठमाडौँ
- infobikalpa21@gmail.com
काठमाडौं । कान्स फिल्म फेस्टिभलको ७९औँ संस्करणमा सहभागी हुन काठमाडौँ महानगरपालिकाका कार्यवाहक प्रमुख सुनिता डंगोल आइतबार फ्रान्स प्रस्थान गरेकी छन् । उनी कान्स सहरका मेयर डेभिड लिसनार्डको निमन्त्रणामा फेस्टिभलमा सहभागी हुन गएकी हुन् ।
फेस्टिभलका विभिन्न सत्र तथा कार्यक्रमहरूमा सहभागिता जनाएपछि उनी आगामी ८ गते स्वदेश फर्कने कार्यक्रम रहेको छ ।
कान्स र काठमाडौँ दुवै युनेस्कोको ‘क्रिएटिभ सिटी अफ फिल्म’ सञ्जालका सदस्य नगर हुन् । कान्सका मेयरले पठाएको निमन्त्रणा पत्रमा फेस्टिभललाई क्रिएटिभ सहरहरूलाई जोड्ने महत्वपूर्ण अवसरका रूपमा उल्लेख गरिएको छ । साथै, ‘अन–एयर’ शीर्षकमा सञ्चालन हुने अडियो–भिजुअल कन्टेन्ट चेनबारे जानकारी आदान–प्रदान हुने जनाइएको छ ।
यस वर्ष नेपालबाट निर्देशक अविनाश विक्रम शाहको चलचित्र ‘एलेफेन्ट इन द फग’ कान्स फिल्म फेस्टिभलमा प्रदर्शन हुने भएको छ ।
युनेस्कोले वि.सं. २०८० कार्तिक १४ गते काठमाडौँ महानगरपालिकालाई चलचित्र सहर सञ्जालको सदस्य नगरका रूपमा चयन गरेको थियो । त्यस वर्ष विश्वका ५५ नगर विभिन्न रचनात्मक विधामा थपिएका थिए ।
हाल विश्वका १ सयभन्दा बढी देशका करिब ४ सय सहरहरू युनेस्कोको क्रिएटिभ सिटी नेटवर्कमा आबद्ध छन्, जसअन्तर्गत चलचित्र, संगीत, डिजाइन, साहित्य, लोककला, ग्यास्ट्रोनोमी र मिडिया कला लगायतका क्षेत्र समावेश छन् ।
काठमाडौं । संघीय संसद्का दुवै सदनको बैठक आज बस्दै छ । प्रतिनिधिसभाको बैठक बिहान ११ बजे र राष्ट्रियसभाको बैठक दिउँसो...
काठमाडौं : संघीय संसद्का दुवै सदनको बैठक बुधबार छुट्टाछुट्टै बस्ने भएको छ। संघीय संसद् सचिवालयका अनुसार प्रतिनिधिसभाको बैठक बिहान ११...
वीरगञ्ज : भारत सरकारले नेपाललाई १० वटा कैदी बोक्ने ट्रक हस्तान्तरण गरेको छ । भारतका वीरगञ्जस्थित महावाणिज्यदूत देवी सहाय मीणाले...
