बालुवाटारमा ‘नेपाल हस्तकला प्रदर्शनी २०२६’ हुँदै, ७० स्टलमा स्थानीय कला र परिकारको स्वाद – Naya Bikalpa
November 22, 2026, Sunday      Epaper

बालुवाटारमा ‘नेपाल हस्तकला प्रदर्शनी २०२६’ हुँदै, ७० स्टलमा स्थानीय कला र परिकारको स्वाद

काठमाडौं । नेपाल हस्तकला महासंघ ले ‘नेपाल हस्तकला प्रदर्शनी तथा सांस्कृतिक कार्यक्रम २०२६’ आयोजना गर्ने भएको छ । महासंघले आगामी जेठ ८ देखि १० गतेसम्म बालुवाटारस्थित अम्रपाली बैंक्वेट एण्ड इभेन्ट मा मेला सञ्चालन गर्न लागिएको जनाएको हो ।

तीन दिनसम्म चल्ने मेलामा बिहान ११ बजेदेखि साँझ ७ बजेसम्म विभिन्न जिल्लामा उत्पादन भएका हस्तकला सामग्रीको प्रदर्शनी तथा बिक्री गरिनेछ । आयोजकका अनुसार मेलामा करिब ७० वटा स्टल रहनेछन् ।

महासंघले मेलाको मुख्य उद्देश्य स्थानीय हस्तकला उद्यमीलाई बजारसँग जोड्नु, रोजगारी तथा आयआर्जन वृद्धि गर्नुका साथै परम्परागत सीप, कला, संस्कृति र स्थानीय परिकारको संरक्षण तथा प्रवर्द्धन गर्नु रहेको जनाएको छ ।

मेलामा हस्तकला प्रदर्शनीसँगै सांस्कृतिक कार्यक्रम, कलाकार तथा कालिगढको जीवित सीप प्रदर्शन र स्थानीय परिकारको स्वादसमेत प्रस्तुत गरिनेछ । कार्यक्रममा काठमाडौं उपत्यकासहित संखुवासभा, मकवानपुर, दाङ, बाजुरा, ताप्लेजुङ, चितवन, बर्दिया, काभ्रेपलाञ्चोक, कास्की, झापा, धनुषा, सुनसरी, धादिङ, तनहुँ, पाल्पा र बागलुङलगायत जिल्लाका संघसंस्थाको सहभागिता रहने जनाइएको छ ।

महासंघले हस्तकला क्षेत्रले ठूलो संख्यामा स्वरोजगार सिर्जना गरिरहेको उल्लेख गर्दै कृषि क्षेत्रपछि देशभर विस्तार गर्न सकिने सम्भावनायुक्त उद्योगका रूपमा हस्तकलालाई प्राथमिकतामा राख्नुपर्ने आवश्यकता औंल्याएको छ ।

आयोजकका अनुसार मेलामा प्रवेश निःशुल्क हुनेछ ।

सम्बन्धित समाचार

कस्तो रहला आजको मौसम ?
कस्तो रहला आजको मौसम ?
  • २०८३ जेष्ठ ४, १५: २०

काठमाडौं : हाल नेपालको पश्चिमी भू–भागमा पश्चिमी वायुको तथा पूर्वी भू–भागमा भारतको ओडिसा आसपास अवस्थित न्यून चापीय प्रणालीको आंशिक प्रभाव...

आजका लागि विदेशी मुद्राको विनिमयदर
आजका लागि विदेशी मुद्राको विनिमयदर
  • २०८३ जेष्ठ ४, १५: २०

काठमाडौं : नेपाल राष्ट्र बैंकले आजका लागि विदेशी मुद्राको विनिमयदर निर्धारण गरेको छ। राष्ट्र बैंकका अनुसार अमेरिकी डलर एकको खरिददर...

प्रधानमन्त्री शाह आज भारतको दुईदिने राजकीय भ्रमणमा जाँदै
प्रधानमन्त्री शाह आज भारतको दुईदिने राजकीय भ्रमणमा जाँदै
  • २०८३ जेष्ठ ४, १५: २०

काठमाडौं । प्रधानमन्त्री बालेन्द्र शाह आज भारतको दुईदिने राजकीय भ्रमणमा जाँदैछन् । भारतीय प्रधानमन्त्री नरेन्द्र मोदीको मैत्रीपूर्ण निमन्त्रणामा प्रधानमन्त्री शाह...