बालविवाह र दाइजो प्रथा अन्त्यका लागि अन्तिमसम्म संघर्ष गर्छु : उपसभामुख ठाकुर – Naya Bikalpa
November 22, 2026, Sunday      Epaper

बालविवाह र दाइजो प्रथा अन्त्यका लागि अन्तिमसम्म संघर्ष गर्छु : उपसभामुख ठाकुर

काठमाडौँ । प्रतिनिधिसभाकी उपसभामुख रुबीकुमारी ठाकुर ले छोरीलाई शिक्षित, सक्षम र सम्मानपूर्वक हुर्काउन अभिभावकलाई आग्रह गरेकी छन् ।

सर्लाहीको चन्द्रनगर गाउँपालिका मा आयोजित दुई दिने ‘बाल विवाह एवं दाइजो प्रथा उन्मूलनका लागि बृहत् सभा’लाई आइतबार सम्बोधन गर्दै उनले विशेषगरी मधेस क्षेत्रमा गहिरो रूपमा जरा गाडेको बालविवाह र दाइजो प्रथाविरुद्ध अन्तिम समयसम्म संघर्ष गर्ने बताइन् ।

समाज परिवर्तनको आधार शिक्षा भएको उल्लेख गर्दै उपसभामुख ठाकुरले छोरीलाई अनिवार्य रूपमा शिक्षित बनाउनुपर्नेमा जोड दिइन् । दाइजो र बालविवाह देशकै लागि कलंक बनेको भन्दै उनले यस्ता कुप्रथा अन्त्य गर्न राज्य, समाज र परिवार सबै तहबाट अभियान सञ्चालन गर्नुपर्ने धारणा राखिन् ।

विवाहपछि परिवार टुक्रिने, सम्बन्ध बिग्रिने तथा सामाजिक तनाव बढ्नुमा दाइजो प्रथाले ठूलो भूमिका खेलेको उनको भनाइ थियो । दाइजो दुवै परिवारका लागि अभिशाप बन्दै गएको उल्लेख गर्दै उनले यसको अन्त्यका लागि सामूहिक प्रयास आवश्यक रहेको बताइन् ।

उपसभामुख ठाकुरले पछिल्लो समय किशोरकिशोरी घर छाडेर हिँड्ने प्रवृत्ति बढ्दै गएकोप्रति चिन्ता व्यक्त गर्दै अभिभावकको सुझावलाई गलत अर्थमा नलिन र आवेगमा निर्णय नगर्न युवापुस्तालाई आग्रह गरिन् ।

कार्यक्रममा सर्लाही क्षेत्र नम्बर–१ बाट निर्वाचित सांसद नीतिमा कार्की भण्डारी ले समाजमा रहेका कुरीति, कुसंस्कार र विभेद शिक्षा मार्फत मात्रै हटाउन सकिने बताइन् । उनले छोरी शिक्षित भए परिवार र समाज दुवै सबल बन्ने भएकाले छोरीको शिक्षामा विशेष ध्यान दिनुपर्नेमा जोड दिइन् ।

सम्बन्धित समाचार

कस्तो रहला आजको मौसम ?
कस्तो रहला आजको मौसम ?
  • २०८३ जेष्ठ ११, ०८: ०४

काठमाडौं : हाल नेपालको पश्चिमी भू–भागमा पश्चिमी वायुको तथा पूर्वी भू–भागमा भारतको ओडिसा आसपास अवस्थित न्यून चापीय प्रणालीको आंशिक प्रभाव...

आजका लागि विदेशी मुद्राको विनिमयदर
आजका लागि विदेशी मुद्राको विनिमयदर
  • २०८३ जेष्ठ ११, ०८: ०४

काठमाडौं : नेपाल राष्ट्र बैंकले आजका लागि विदेशी मुद्राको विनिमयदर निर्धारण गरेको छ। राष्ट्र बैंकका अनुसार अमेरिकी डलर एकको खरिददर...

प्रधानमन्त्री शाह आज भारतको दुईदिने राजकीय भ्रमणमा जाँदै
प्रधानमन्त्री शाह आज भारतको दुईदिने राजकीय भ्रमणमा जाँदै
  • २०८३ जेष्ठ ११, ०८: ०४

काठमाडौं । प्रधानमन्त्री बालेन्द्र शाह आज भारतको दुईदिने राजकीय भ्रमणमा जाँदैछन् । भारतीय प्रधानमन्त्री नरेन्द्र मोदीको मैत्रीपूर्ण निमन्त्रणामा प्रधानमन्त्री शाह...