कंगोमा इबोला संक्रमण तीव्र रूपमा फैलिँदै: ९०० भन्दा बढी केस, ११९ को मृत्यु

नयाँ विकल्प
प्रकाशित मिती: २०८३ जेष्ठ ११, ०९: १०

काठमाडौँ । अफ्रिकी देश कंगोमा Ebola virus disease को प्रकोप तीव्र गतिमा फैलिँदै गएको छ । देशको पूर्वी क्षेत्रमा देखिएको संक्रमणले अहिले गम्भीर स्वास्थ्य संकटको रूप लिएको छ ।

कंगो सरकारका अनुसार हालसम्म इबोलाका सम्भावित संक्रमणका ९०४ भन्दा बढी केसहरू पुष्टि भइसकेका छन् भने ११९ जनाको मृत्यु भएको छ । यसअघि सार्वजनिक तथ्याङ्कमा ७०० भन्दा बढी केस र १७० भन्दा बढी मृत्युको उल्लेख गरिएको थियो, जसले संक्रमणको फैलावट अझै जारी रहेको देखाउँछ ।

संक्रमणको सबैभन्दा बढी असर इतुरी प्रान्तमा देखिएको छ, जहाँ अवस्था नियन्त्रण बाहिर जान सक्ने भन्दै स्वास्थ्य अधिकारीहरू चिन्तित बनेका छन् ।

विश्व स्वास्थ्य संगठन (WHO) ले यस प्रकोपलाई कंगोका लागि गम्भीर खतरा भन्दै निरन्तर निगरानी गरिरहेको जनाएको छ । यद्यपि, हालसम्म यो संक्रमण विश्वव्यापी रूपमा फैलिने जोखिम कम रहेको बताइएको छ ।

स्वास्थ्य विज्ञहरूका अनुसार अहिले फैलिरहेको प्रकोप ‘बन्डिबुग्यो स्ट्रेन’ बाट भएको हो, जुन इबोलाको अत्यन्त खतरनाक प्रकार मानिन्छ । हालसम्म यसको विरुद्ध कुनै स्वीकृत खोप वा विशेष औषधि उपलब्ध छैन, जसले नियन्त्रण कार्यलाई अझ चुनौतीपूर्ण बनाएको छ ।