काठमाडौं महानगरको कक्षा ११–१२ छात्रवृत्तिमा २६ हजारभन्दा बढी आवेदन, विज्ञान विषयमा सबैभन्दा धेरै आकर्षण – Naya Bikalpa
November 22, 2026, Sunday      Epaper

काठमाडौं महानगरको कक्षा ११–१२ छात्रवृत्तिमा २६ हजारभन्दा बढी आवेदन, विज्ञान विषयमा सबैभन्दा धेरै आकर्षण

काठमाडौं । काठमाडौं महानगरपालिका भित्रका विद्यालयहरूमा कक्षा ११ र १२ का लागि प्रदान गरिने छात्रवृत्तिमा २६ हजार ८८८ जना विद्यार्थीले अनलाइन आवेदन दिएका छन्। आवेदन दिनेमा १६ हजार ५४९ छात्र, १० हजार ३३३ छात्रा तथा ६ जना अन्य रहेका छन्।

शिक्षा अधिकृत तथा परीक्षा समितिका सदस्य सचिव रामचन्द्र खड्काका अनुसार हालसम्म २३ हजार ४९९ आवेदन स्वीकृत भइसकेका छन्। ३ हजार ३०२ आवेदकको विवरणमा त्रुटि देखिएकाले मोबाइल र इमेलमार्फत सच्याउन सूचना पठाइएको छ। सम्बन्धित विद्यार्थीले भोलि दिउँसो १२ बजेसम्म विवरण सच्याएर पुनः पेश गर्नुपर्नेछ।

अनलाइन प्रणालीमार्फत आवेदन दिन कठिनाइ हुने अभिभावक तथा विद्यार्थीलाई सहयोग गर्न शिक्षा विभागमा सहायता कक्षसमेत स्थापना गरिएको छ।

यसैबीच, ८४ वटा आवेदन अस्वीकृत भएका छन्। एउटै कागजात पटक–पटक अपलोड गरिएको, आवश्यक नभएका कागजात समावेश गरिएको वा अनिवार्य विवरण नपुगेका कारण आवेदन रद्द गरिएको विभागले जनाएको छ। तोकिएको समयभित्र आवश्यक कागजात र सही विवरण पेश नगरे आवेदन स्वतः रद्द हुने चेतावनी पनि दिइएको छ।

फाराम स्वीकृत गर्ने प्रक्रिया जेठ १३ गतेसम्म जारी रहनेछ। स्वीकृत भएका विद्यार्थीले जेठ १४ गते बिहान १० बजेदेखि आवेदन दिएको वेबसाइटमार्फत प्रवेशपत्र डाउनलोड गरी कलर प्रिन्ट गर्न सक्नेछन्। परीक्षा केन्द्र तथा अन्य परीक्षा सम्बन्धी जानकारी प्रवेशपत्रमै उल्लेख हुनेछ।

विषयगत रूपमा विज्ञान संकायमा सबैभन्दा बढी आकर्षण देखिएको छ। विज्ञानतर्फ १८ हजार ९९६ आवेदन परेका छन् भने व्यवस्थापनमा ७ हजार २७१, कानुनमा ४०७, शिक्षामा १३५ र मानविकीमा ७९ आवेदन दर्ता भएका छन्।

कक्षा १० सम्मको छात्रवृत्तिका लागि वडा स्तरीय समितिले सिफारिस गर्ने व्यवस्था भए पनि कक्षा ११ र १२ को छात्रवृत्तिका लागि शिक्षा विभागले परीक्षा सञ्चालन गरी नतिजाका आधारमा सिफारिस गर्ने व्यवस्था रहेको छ। परीक्षा सम्पन्न भएपछि योग्यता क्रम सूची सार्वजनिक गरिनेछ र म्याचिङ लिस्टमार्फत नाम सिफारिस गरिएका विद्यार्थीले कक्षा ११–१२ मा कुनै पनि शैक्षिक शुल्क तिर्नु नपर्ने बताइएको छ।

सम्बन्धित समाचार

कस्तो रहला आजको मौसम ?
कस्तो रहला आजको मौसम ?
  • २०८३ जेष्ठ १२, ०८: १८

काठमाडौं : हाल नेपालको पश्चिमी भू–भागमा पश्चिमी वायुको तथा पूर्वी भू–भागमा भारतको ओडिसा आसपास अवस्थित न्यून चापीय प्रणालीको आंशिक प्रभाव...

आजका लागि विदेशी मुद्राको विनिमयदर
आजका लागि विदेशी मुद्राको विनिमयदर
  • २०८३ जेष्ठ १२, ०८: १८

काठमाडौं : नेपाल राष्ट्र बैंकले आजका लागि विदेशी मुद्राको विनिमयदर निर्धारण गरेको छ। राष्ट्र बैंकका अनुसार अमेरिकी डलर एकको खरिददर...

प्रधानमन्त्री शाह आज भारतको दुईदिने राजकीय भ्रमणमा जाँदै
प्रधानमन्त्री शाह आज भारतको दुईदिने राजकीय भ्रमणमा जाँदै
  • २०८३ जेष्ठ १२, ०८: १८

काठमाडौं । प्रधानमन्त्री बालेन्द्र शाह आज भारतको दुईदिने राजकीय भ्रमणमा जाँदैछन् । भारतीय प्रधानमन्त्री नरेन्द्र मोदीको मैत्रीपूर्ण निमन्त्रणामा प्रधानमन्त्री शाह...