- अनामनगर काठमाडौँ
- infobikalpa21@gmail.com
काठमाडौँ । गोरखा मिडिया नेटवर्क प्रालिका नाममा काठमाडौं महानगरपालिकाले १५ दिने अन्तिम सार्वजनिक सूचना जारी गरेको छ ।
काठमाडौं महानगरपालिका वडा नम्बर ३ निवासी मृगेन्द्र प्रसाद मिश्रले गोरखा मिडिया नेटवर्कका अध्यक्ष गितेन्द्र बाबु राईविरुद्ध दायर गरेको ‘भाडा असुल उपर गरी घरजग्गा खाली गराइपाऊँ’ मुद्दामा न्यायिक समितिले यसअघि नै घरजग्गा खाली गराउने फैसला गरेको थियो ।
महानगरपालिकाको न्यायिक समितिले २०८१ कात्तिक १४ गते बहाल रकम तथा बहाल कर प्रतिवादीबाट असुल गरी घरजग्गा खाली गराउने निर्णय सुनाएको थियो । उक्त निर्णयविरुद्ध परेको निवेदनमा उच्च अदालत पाटनले २०८२ साउन २८ गते दुई महिनाभित्र फैसला कार्यान्वयन गर्न काठमाडौं महानगरपालिकाका नाममा परमादेश जारी गरेको थियो ।
अदालतको आदेशपछि २०८२ कात्तिक १४ गते महानगरपालिकाको टोली खटिएर निर्णय कार्यान्वयन गरिएको जनाएको छ ।
निर्णय कार्यान्वयन भएको ६ महिना पूरा भएपछि ग्यालेक्सी फोरके टेलिभिजन कार्यालयमा रहेका सामान लिलाम गरिपाऊँ भन्दै घरधनी मृगेन्द्र मिश्रले गत वैशाख २१ गते महानगरपालिकामा निवेदन दिएका थिए ।
त्यसपछि महानगरपालिकाले १५ दिनभित्र घरधनीलाई बुझाउनुपर्ने बहाल रकम तिरी ग्यालेक्सी फोरके टेलिभिजनसँग सम्बन्धित सरसामान लैजान आग्रह गर्दै अन्तिम सूचना जारी गरेको हो ।
महानगरपालिकाले तोकिएको अवधिभित्र सामान नलगिए काठमाडौं महानगरपालिका विवाद निरूपण कार्यविधि ऐन, २०७५ को दफा ७० बमोजिम सरसामान लिलाम गरिने चेतावनी समेत दिएको छ ।
काठमाडौं : वीरगञ्ज महानगरपालिकाका मेयर राजेशमान सिंहविरुद्ध पक्राउ पुर्जी जारी भएको छ । जिल्ला अदालत पर्साले आज मेयर सिंहविरुद्ध पक्राउ...
काठमाडौं : सरोकारवाला निकायको महत्त्वपूर्ण सुझावलाई समेटेर अर्थ मन्त्रालयले आगामी आर्थिक वर्षको बजेट लेखनलाई करिब अन्तिम चरणमा पुर्याएको छ । अर्थमन्त्री...
काठमाडौँ । प्रधानमन्त्री वालेन्द्र शाहले नेपाली नागरिकको दैनिक जीवनस्तरमा वास्तविक सुधार ल्याउने दिशामा आफ्नो नेतृत्वको सरकार प्रतिबद्ध रहेको बताएका छन्...
