प्रधानमन्त्री बालेनको सीमा सम्बन्धी अभिव्यक्तिप्रति विज्ञहरूको आपत्ति, स्पष्टीकरण माग – Naya Bikalpa
November 22, 2026, Sunday      Epaper

प्रधानमन्त्री बालेनको सीमा सम्बन्धी अभिव्यक्तिप्रति विज्ञहरूको आपत्ति, स्पष्टीकरण माग

काठमाडौं । प्रधानमन्त्री बालेन शाहले प्रतिनिधिसभाको बैठकमा नेपालले पनि भारतको सीमा मिचेको भन्ने आशयको अभिव्यक्ति दिएको विषयमा सीमा तथा भूगोलका विज्ञहरूले गम्भीर आपत्ति जनाएका छन्।

सीमाविद् बुद्धिनारायण श्रेष्ठ ,  प्राध्यापक डा. पीताम्बर शर्मा , प्राध्यापक डा. नरेन्द्र खनाल , डा. जगत भुसाल, अन्तर्राष्ट्रिय सीमाविद् सीमाविद् प्रभाकर शर्मा  तथाडा. द्वारिकानाथ ढुङ्गेलले संयुक्त विज्ञप्ति जारी गर्दै प्रधानमन्त्रीको अभिव्यक्तिले आफूहरूलाई आश्चर्यचकित बनाएको बताएका छन्।

विज्ञप्तिमा प्रधानमन्त्रीले कुन तथ्य र आधारका आधारमा यस्तो अभिव्यक्ति दिनुभएको हो भन्ने स्पष्ट पार्न आग्रह गरिएको छ। उनीहरूले आजसम्म नेपालले भारतको भूमि अतिक्रमण गरेको भन्ने कुनै आधिकारिक निष्कर्ष वा जानकारी सार्वजनिक नभएको उल्लेख गरेका छन्।

“नेपालले भारतको सीमा मिचेको भन्ने कुरा अहिलेसम्म कुनै आधिकारिक निकायबाट सार्वजनिक रूपमा सुनिएको थिएन। यस्तो अभिव्यक्ति पहिलो पटक देशको कार्यकारी प्रमुख प्रधानमन्त्रीबाट नै आएको छ,” विज्ञप्तिमा उल्लेख छ।

विज्ञहरूले नेपाल–भारत सीमा सम्बन्धी विषय राष्ट्रिय सार्वभौमिकता र भौगोलिक अखण्डतासँग जोडिएको संवेदनशील मुद्दा भएकाले यस्ता विषयमा तथ्य र प्रमाणका आधारमा मात्र अभिव्यक्ति दिनुपर्ने बताएका छन्। साथै, प्रधानमन्त्रीले सार्वजनिक रूपमा आफ्नो भनाइबारे स्पष्टीकरण दिनुका साथै आम नागरिकमा उत्पन्न भ्रम हटाउन आवश्यक कदम चाल्नुपर्ने धारणा व्यक्त गरेका छन्।

उनीहरूले प्रतिनिधिसभामा व्यक्त उक्त अभिव्यक्तिलाई संसद्को अभिलेखबाट हटाउन सभामुखसमक्ष समेत आग्रह गरेका छन्।

सम्बन्धित समाचार

कस्तो रहला आजको मौसम ?
कस्तो रहला आजको मौसम ?
  • २०८३ जेष्ठ १८, ०७: ५०

काठमाडौं : हाल नेपालको पश्चिमी भू–भागमा पश्चिमी वायुको तथा पूर्वी भू–भागमा भारतको ओडिसा आसपास अवस्थित न्यून चापीय प्रणालीको आंशिक प्रभाव...

आजका लागि विदेशी मुद्राको विनिमयदर
आजका लागि विदेशी मुद्राको विनिमयदर
  • २०८३ जेष्ठ १८, ०७: ५०

काठमाडौं : नेपाल राष्ट्र बैंकले आजका लागि विदेशी मुद्राको विनिमयदर निर्धारण गरेको छ। राष्ट्र बैंकका अनुसार अमेरिकी डलर एकको खरिददर...

प्रधानमन्त्री शाह आज भारतको दुईदिने राजकीय भ्रमणमा जाँदै
प्रधानमन्त्री शाह आज भारतको दुईदिने राजकीय भ्रमणमा जाँदै
  • २०८३ जेष्ठ १८, ०७: ५०

काठमाडौं । प्रधानमन्त्री बालेन्द्र शाह आज भारतको दुईदिने राजकीय भ्रमणमा जाँदैछन् । भारतीय प्रधानमन्त्री नरेन्द्र मोदीको मैत्रीपूर्ण निमन्त्रणामा प्रधानमन्त्री शाह...