रोकिएका आर्थिक सुधार अघि बढाइँदै, अलपत्र आयोजना टुंग्याउने सरकारको प्रतिबद्धता : अर्थमन्त्री वाग्ले – Naya Bikalpa
November 22, 2026, Sunday      Epaper

रोकिएका आर्थिक सुधार अघि बढाइँदै, अलपत्र आयोजना टुंग्याउने सरकारको प्रतिबद्धता : अर्थमन्त्री वाग्ले

काठमाडौं । अर्थमन्त्री स्वर्णिम वाग्लेले लामो समयदेखि राजनीतिक इच्छाशक्ति र कानुनी व्यवस्थाको प्रभावकारी प्रयोग अभावमा रोकिएका आर्थिक तथा नीतिगत सुधारलाई सरकारले अब कार्यान्वयनमा लैजाने बताएका छन्।

फिन इलेक्ट्रो–टेक उद्घाटन समारोहलाई सम्बोधन गर्दै उनले प्रधानमन्त्री र पार्टी नेतृत्वसँगको छलफलपछि घोषणापत्रमा समेटिएका विभिन्न ऐन, नियमावली तथा कार्यविधिमा आवश्यक सुधार गरी कार्यान्वयन प्रक्रिया अघि बढाइएको जानकारी दिए।

अर्थमन्त्री वाग्लेले निजी क्षेत्रको आत्मविश्वास पुनःस्थापित गर्न र अर्थतन्त्रमा सकारात्मक सन्देश प्रवाह गर्न महत्वाकांक्षी सुधार कार्यक्रमहरू घोषणा गरिएको बताए। उनले २०४८ सालपछि पहिलोपटक यति व्यापक दायरामा आर्थिक सुधारका कार्यक्रम सार्वजनिक गरिएको दाबी गरे।

उनले पूर्वाधार विकासलाई सरकारको प्राथमिकतामा राखिएको उल्लेख गर्दै वर्षौंदेखि अलपत्र रहेका सडक तथा अन्य पूर्वाधार आयोजनाहरूलाई निश्चित समयसीमाभित्र सम्पन्न गर्ने लक्ष्य लिइएको बताए। जनताको लगानी फसिरहेका परियोजनाहरूलाई टुंग्याउन सरकार प्रतिबद्ध रहेको उनको भनाइ थियो।

अर्थमन्त्री वाग्लेका अनुसार हुलाकी राजमार्ग, मध्यपहाडी लोकमार्ग तथा सहरी विकासअन्तर्गतका अपुरा आयोजनाहरूलाई एकदेखि तीन वर्षभित्र सम्पन्न गर्ने योजना बनाइएको छ।

राजनीतिक श्रेयको प्रतिस्पर्धाभन्दा माथि उठेर काम गर्नुपर्ने आवश्यकता औंल्याउँदै उनले भौतिक पूर्वाधार तथा यातायात मन्त्रालयसँग समन्वय गरी अलपत्र आयोजना सम्पन्न गर्ने अभियानमा सरकार जुटेको बताए।

सम्बन्धित समाचार

कस्तो रहला आजको मौसम ?
कस्तो रहला आजको मौसम ?
  • २०८३ जेष्ठ २२, १६: ४२

काठमाडौं : हाल नेपालको पश्चिमी भू–भागमा पश्चिमी वायुको तथा पूर्वी भू–भागमा भारतको ओडिसा आसपास अवस्थित न्यून चापीय प्रणालीको आंशिक प्रभाव...

आजका लागि विदेशी मुद्राको विनिमयदर
आजका लागि विदेशी मुद्राको विनिमयदर
  • २०८३ जेष्ठ २२, १६: ४२

काठमाडौं : नेपाल राष्ट्र बैंकले आजका लागि विदेशी मुद्राको विनिमयदर निर्धारण गरेको छ। राष्ट्र बैंकका अनुसार अमेरिकी डलर एकको खरिददर...

प्रधानमन्त्री शाह आज भारतको दुईदिने राजकीय भ्रमणमा जाँदै
प्रधानमन्त्री शाह आज भारतको दुईदिने राजकीय भ्रमणमा जाँदै
  • २०८३ जेष्ठ २२, १६: ४२

काठमाडौं । प्रधानमन्त्री बालेन्द्र शाह आज भारतको दुईदिने राजकीय भ्रमणमा जाँदैछन् । भारतीय प्रधानमन्त्री नरेन्द्र मोदीको मैत्रीपूर्ण निमन्त्रणामा प्रधानमन्त्री शाह...