सीमा विवाद कूटनीतिक संवादबाट समाधान गर्नुपर्छ : परराष्ट्रमन्त्री खनाल – Naya Bikalpa
November 22, 2026, Sunday      Epaper

सीमा विवाद कूटनीतिक संवादबाट समाधान गर्नुपर्छ : परराष्ट्रमन्त्री खनाल

काठमाडौं । परराष्ट्रमन्त्री शिशिर खनालले नेपाल र भारतबीच रहेका सीमा तथा सीमांकनसम्बन्धी बाँकी विवादहरू कूटनीतिक संवाद र स्थापित द्विपक्षीय संयन्त्रमार्फत समाधान गर्नुपर्नेमा जोड दिएका छन्।

भारत भ्रमणका क्रममा उनले नेपाल–भारत सम्बन्धलाई आपसी हित, विश्वास र सहकार्यका आधारमा अझ सुदृढ बनाउन नेपाल प्रतिबद्ध रहेको बताए। साथै, अझै समाधान हुन बाँकी रहेका सीमा तथा सीमांकनका विषय खुला संवादमार्फत टुंगो लगाउनुपर्ने धारणा व्यक्त गरे।

उनले भने, “हामी आपसी हितका विषयमा सम्बन्ध निर्माण गर्न चाहन्छौँ। हामीबीच केही मुद्दाहरू छन् भन्ने कुरा म स्वीकार गर्छु। सीमा र सीमांकनसँग सम्बन्धित बाँकी रहेका विषयहरू कूटनीतिक संवादमार्फत समाधान गर्न सकिन्छ र गर्नुपर्छ।”

मन्त्री खनालले सीमा विवाद समाधानका लागि नेपाल र भारतबीच विभिन्न द्विपक्षीय संयन्त्रहरू पहिल्यैदेखि क्रियाशील रहेको उल्लेख गर्दै प्राविधिक तहको संयुक्त फिल्ड सर्भे टोलीले सीमाक्षेत्रमा संयुक्त रूपमा काम गरिरहेको जानकारी दिए।

उनले भारतका विदेशमन्त्रीसँग भएको छलफलमा ती संयन्त्रहरूलाई पुनः सक्रिय बनाउने सहमति भएको पनि बताए।

“हामीले हिजोको छलफलमा सबै संयन्त्रहरू सक्रिय बनाउने सहमति गरेका छौँ, ताकि खुलापन र संवादका माध्यमबाट विद्यमान समस्याहरू समाधान गर्न सकियोस्,” उनले भने।

परराष्ट्रमन्त्री खनालको यस अभिव्यक्तिलाई नेपाल–भारत सम्बन्धलाई संवाद, आपसी विश्वास र सहकार्यका माध्यमबाट नयाँ ढंगले अघि बढाउने नेपालको प्रतिबद्धताका रूपमा हेरिएको छ।

सम्बन्धित समाचार

कस्तो रहला आजको मौसम ?
कस्तो रहला आजको मौसम ?
  • २०८३ जेष्ठ २४, १६: २४

काठमाडौं : हाल नेपालको पश्चिमी भू–भागमा पश्चिमी वायुको तथा पूर्वी भू–भागमा भारतको ओडिसा आसपास अवस्थित न्यून चापीय प्रणालीको आंशिक प्रभाव...

आजका लागि विदेशी मुद्राको विनिमयदर
आजका लागि विदेशी मुद्राको विनिमयदर
  • २०८३ जेष्ठ २४, १६: २४

काठमाडौं : नेपाल राष्ट्र बैंकले आजका लागि विदेशी मुद्राको विनिमयदर निर्धारण गरेको छ। राष्ट्र बैंकका अनुसार अमेरिकी डलर एकको खरिददर...

प्रधानमन्त्री शाह आज भारतको दुईदिने राजकीय भ्रमणमा जाँदै
प्रधानमन्त्री शाह आज भारतको दुईदिने राजकीय भ्रमणमा जाँदै
  • २०८३ जेष्ठ २४, १६: २४

काठमाडौं । प्रधानमन्त्री बालेन्द्र शाह आज भारतको दुईदिने राजकीय भ्रमणमा जाँदैछन् । भारतीय प्रधानमन्त्री नरेन्द्र मोदीको मैत्रीपूर्ण निमन्त्रणामा प्रधानमन्त्री शाह...