
काठमाडौँ । चीनको औपचारिक भ्रमणमा रहेका नेपालका परराष्ट्रमन्त्री शिशिर खनाल र नेसनल कमिटी अफ द पिपल्स पोलिटिकल कन्सल्टेटिभ कन्फरेन्स (सीपीपीसीसी) का राष्ट्रिय समितिका अध्यक्ष वाङ हुनिङबीच मंगलबार बिहान भेटवार्ता भएको छ।
भेटका क्रममा नेपाल–चीन सम्बन्धका विभिन्न आयामबारे विस्तृत छलफल भएको परराष्ट्रमन्त्री खनालले जानकारी दिएका छन्। छलफलमा विकास सहकार्य, व्यापार, लगानी, पर्यटन, राजनीतिक आदानप्रदान तथा दुई देशका नागरिकबीचको सम्बन्धलाई थप सुदृढ बनाउने विषयमा विचारविमर्श भएको थियो।
परराष्ट्रमन्त्री खनालले नेपाल र चीनबीचको दीर्घकालीन मित्रतालाई अझ सुदृढ र गहिरो बनाउन चिनियाँ पक्षले देखाएको प्रतिबद्धताको प्रशंसा गरेका छन्। उनले आपसी हितका क्षेत्रमा सहकार्य र साझेदारीलाई थप विस्तार गर्दै लैजान दुवै पक्ष सकारात्मक रहेको बताएका छन्।
भेटवार्ताले नेपाल–चीन सम्बन्धलाई थप मजबुत बनाउने तथा विभिन्न क्षेत्रका सहकार्यलाई नयाँ उचाइमा पुर्याउने विश्वास व्यक्त गरिएको छ।
काठमाडौं : हाल नेपालको पश्चिमी भू–भागमा पश्चिमी वायुको तथा पूर्वी भू–भागमा भारतको ओडिसा आसपास अवस्थित न्यून चापीय प्रणालीको आंशिक प्रभाव...
काठमाडौं : नेपाल राष्ट्र बैंकले आजका लागि विदेशी मुद्राको विनिमयदर निर्धारण गरेको छ। राष्ट्र बैंकका अनुसार अमेरिकी डलर एकको खरिददर...
काठमाडौं । प्रधानमन्त्री बालेन्द्र शाह आज भारतको दुईदिने राजकीय भ्रमणमा जाँदैछन् । भारतीय प्रधानमन्त्री नरेन्द्र मोदीको मैत्रीपूर्ण निमन्त्रणामा प्रधानमन्त्री शाह...