- अनामनगर काठमाडौँ
- infobikalpa21@gmail.com
काठमाडौँ । चितवनमा जारी राष्ट्रिय स्वतन्त्र पार्टी (रास्वपा) को प्रथम महाधिवेशनको दोस्रो दिनको कार्यतालिका सार्वजनिक गरिएको छ।
दोस्रो दिनको बन्दसत्र उद्योग सङ्घको प्रदर्शनी केन्द्रमा सञ्चालन हुनेछ। महामन्त्री कविन्द्र बुर्लाकोटीका अनुसार बन्दसत्रको दोस्रो चरण बिहान साढे ८ बजेदेखि सुरु हुनेछ।
आजको कार्यक्रममा अनुशासन आयोगले आफ्नो प्रतिवेदन प्रस्तुत गर्नेछ भने त्यसपछि कोषाध्यक्ष लिमा अधिकारीले आर्थिक प्रतिवेदन पेश गर्ने कार्यक्रम रहेको छ।
त्यसैगरी बिहान १० बजेदेखि १०:४५ बजेसम्म महामन्त्री कविन्द्र बुर्लाकोटीले संगठनात्मक प्रतिवेदन प्रस्तुत गर्नेछन्। उक्त प्रतिवेदनमाथि छलफलसमेत गरिने जनाइएको छ।
यस्तै, बिहान ११:४५ बजे सभापति रवि लामिछानेले राजनीतिक प्रतिवेदन प्रस्तुत गर्ने कार्यसूची रहेको छ। राजनीतिक प्रतिवेदन पारित भएपछि पार्टीको अन्तरिम व्यवस्थापन समिति घोषणा गरिनेछ। त्यसपछि आयोजक समितिले सम्पूर्ण जिम्मेवारी निर्वाचन आयोगलाई हस्तान्तरण गर्ने महामन्त्री बुर्लाकोटीले जानकारी दिएका छन्।
निर्वाचन आयोगले यसअघि सार्वजनिक गरेको कार्यतालिका अनुसार त्यसपछि नेतृत्व चयनका लागि निर्वाचन प्रक्रिया सुरु हुने जनाइएको छ।
काठमाडौं : नेपालमा औसत समयभन्दा छ दिन ढिलो गरी प्रवेश गरेको यस वर्षको मनसुनी प्रणाली देशको पूर्वी तथा मध्य भूभागमा विस्तार...
काठमाडौं : अन्तर्राष्ट्रिय वित्तीय निगरानी संस्था फाइनान्सियल एक्सन टास्क फोर्स (एफएटिएफ)ले नेपाललाई सम्पत्ति शुद्धीकरण तथा आतंकवादी गतिविधिमा लगानी नियन्त्रणसम्बन्धी जोखिमपूर्ण सूची...
काठमाडौं : स्थानीय बजारमा आज सुन र चाँदी दुवै बहुमूल्य धातुको मूल्यवृद्धि भएको छ । नेपाल सुनचाँदी व्यवसायी महासंघका अनुसार सुन...
