‘झिँगेदाउ–२’ को पोस्टर सार्वजनिक, असोज २ देखि देशभर प्रदर्शन हुने

नयाँ विकल्प
प्रकाशित मिती: २०८३ असार ८, १६: ४९

काठमाडौं । कपनगढी सिनेमा प्रालि र फिल्म क्र्यु नेपाल प्रालिको प्रस्तुतिमा निर्माण भएको नेपाली चलचित्र झिँगेदाउ–२ को आधिकारिक पोस्टर सार्वजनिक गरिएको छ। सोमबार सार्वजनिक गरिएको पोस्टरसँगै चलचित्र आगामी असोज २ गतेदेखि देशभर प्रदर्शनमा आउने निर्माण पक्षले जनाएको छ।

चलचित्रको निर्माण सुलभ प्रतिक देउजा र समीक्षा देउजाले गरेका हुन् भने निर्देशन ज्ञानेन्द्र देउजा ले गरेका छन्। संगीतमा अर्जुन पोखरेल र निर्देशक देउजाकै योगदान रहेको छ।

चलचित्रमा केकी अधिकारी, आँचल शर्मा, महेश त्रिपाठी, कुशल बिष्ट, आर्यन सिग्देल, हिउँवाला गौतम, सरोज खनाल, बसुन्धरा भुसाल, चैत्यदेवी सिंह, संगम भण्डारी, विजय देउजा, अशु महर्जन, अभयराज बराल, उत्तम केसी, शिवहरि बैरागी नेपाल, आशा भुसाल, रेनु प्रधान तथा विनोदकुमार पौडेललगायतका कलाकारको अभिनय रहेको छ। साथै मदनकृष्ण श्रेष्ठ र मिथिला शर्माले अतिथि कलाकारका रूपमा भूमिका निर्वाह गरेका छन्।

चलचित्रको पटकथा, संवाद तथा परिकल्पना सेन, गोविन्द फुयाल र शिशिर चालिसेले तयार गरेका हुन्। छायांकन विष्णु घिमिरे ‘कल्पित’ र बिबेक बस्नेतले गरेका छन् भने सम्पादन मित्र डी. गुरुङले गरेका छन्। निर्माण व्यवस्थापन ईश्वर घिमिरेले सम्हालेका छन्।

‘झिँगेदाउ’ को पहिलो श्रृंखलाले राम्रो प्रतिक्रिया पाएपछि यसको दोस्रो श्रृंखलाप्रति दर्शकको चासो बढेको निर्माण पक्षले जनाएको छ। चलचित्रलाई पारिवारिक, सामाजिक तथा मनोरञ्जनात्मक कथावस्तुमा आधारित बताइएको छ।

सम्बन्धित समाचार

६० वर्षपछि जगद्गुरु विधुशेखर भारतीको नेपाल भ्रमणले धार्मिक तथा सांस्कृतिक क्षेत्रमा उत्साह

२०८३ असार ८, १६: ४९

नेपाल भारत धार्मिक तथा सांस्कृतिक क्षेत्रमा सदिँयौदेखि निरन्तर चल्दै आएको आपसी सम्बन्ध र धार्मिक अनुष्ठानका कार्यक्रमहरु हिन्दु धर्मावलम्बीहरुका लागि उच्च...