- अनामनगर काठमाडौँ
- infobikalpa21@gmail.com
काठमाडौं । तीन दिनदेखि काठमाडौंमा जारी ‘काठमाडौं हरर फिल्म फेस्ट’को दोस्रो संस्करण सम्पन्न भएको छ । नेपालसहित विभिन्न देशका हरर तथा अन्य विधागत फिल्म प्रदर्शन गरिएको महोत्सवमा दर्शकको उत्साहजनक सहभागिता रहेको आयोजकले जनाएको छ ।
मोराद मुस्तफाद्वारा निर्देशित फिल्म ‘आयशा कान्ट फ्लाई अवे’ प्रदर्शनसँगै महोत्सव समापन भएको हो । समापन समारोहमा नेपाल सङ्गीत तथा नाट्य प्रज्ञा–प्रतिष्ठानका कुलपति ब्रजेश खनाल, नेपालस्थित रुसी दूतावासका मिनिस्टर काउन्सेलर तथा उपनियोग प्रमुख रिनचेन राक्शायेभ, पूर्वमन्त्री गणेश शाह र नेपाल फिल्म तथा सांस्कृतिक प्रतिष्ठानका अध्यक्ष केपी पाठकलगायतको उपस्थिति थियो ।
महोत्सवको प्रतिस्पर्धात्मक विधाअन्तर्गत १८ छोटा फिल्ममध्ये दर्शकको मतका आधारमा आकाश धिमाल निर्देशित नेपाली फिल्म ‘केएनएआर’ उत्कृष्ट छोटो फिल्म घोषित भएको छ ।
त्यस्तै, प्रतिस्पर्धामा रहेका ६ फिचर फिल्ममध्ये नादिम ताबेत निर्देशित ‘इन दिस डार्कनेस आई सी यू’ उत्कृष्ट फिचर फिल्म घोषित भएको छ । फ्रान्स, लेबनान, कतार र साउदी अरबको संयुक्त निर्माण रहेको उक्त फिल्मले दर्शकको मतका आधारमा अवार्ड जितेको हो ।
सन् २०२५ मा २५ फिल्म प्रदर्शन गर्दै सुरु भएको महोत्सवको यस वर्षको संस्करणका लागि अन्तर्राष्ट्रिय खुला आह्वानमार्फत २१ देशका २६ फिल्म छनोट भएका थिए । छनोट भएका फिल्ममध्ये आठ फिचर र १८ छोटा फिल्म थिए । तीमध्ये पाँच फिल्म नेपाली निर्माण वा सह–निर्माणमा बनेका थिए ।
महोत्सवका अध्यक्ष केपी पाठकले दोस्रो संस्करणले नेपाली दर्शकमा हरर तथा विधागत फिल्मप्रति उल्लेख्य रुचि रहेको प्रमाणित गरेको बताए । हरर फिल्मले फिल्मकर्मीलाई लोककथा, समाज र पहिचानजस्ता विषयलाई फरक ढंगले प्रस्तुत गर्ने अवसर प्रदान गर्ने उनको भनाइ थियो ।
आगामी दिनमा पनि नेपाली फिल्मकर्मीलाई विधागत कथावाचनका लागि थप अवसर प्रदान गर्ने आयोजकले प्रतिबद्धता व्यक्त गरेका छन् ।
काठमाडौं । भारतीय अभिनेत्री शबाना आजमीसहित अन्तर्राष्ट्रिय चलचित्र क्षेत्रका चर्चित व्यक्तित्वहरूको सहभागितामा काठमाडौं फिल्म फेस्टिभल आयोजना हुने भएको छ ।...
काठमाडौं : हिन्दी तथा मराठी चलचित्रका चर्चित अभिनेता नाना पाटेकरको बिहीबार बिहान हृदयाघातपछि निधन भएको मणिपाल अस्पतालका चिकित्सकले बताएका छन्...
काठमाडौं । नेपालयको ‘आर’शालामा गीतकार तथा सर्जक नीर शाहको ‘पलेँटी’ कार्यक्रम सम्पन्न भएको छ । झण्डै २२ वर्षअघि सुरु भएको...
