रास्वपाको बन्दसत्र आज, महाधिवेशन कार्यतालिका प्रभावित – Naya Bikalpa
November 22, 2026, Sunday      Epaper

रास्वपाको बन्दसत्र आज, महाधिवेशन कार्यतालिका प्रभावित

काठमाडौं । राष्ट्रिय स्वतन्त्र पार्टी (रास्वपा) को बन्दसत्र आज अपराह्न हुने भएको छ । महाधिवेशन प्रतिनिधि छनोटसम्बन्धी विवादका कारण सोमबार तय गरिएको बन्दसत्र स्थगित भएपछि आजका लागि पुनः तयारी गरिएको हो ।

रास्वपा नेता मनिष झाले प्रतिनिधिसम्बन्धी विवाद समाधानपछि मंगलबार अपराह्न बन्दसत्र सञ्चालन गरिने जानकारी दिएका छन् । महाधिवेशनको कार्यतालिका अनुसार सोमबार बिहान सुरु हुनुपर्ने बन्दसत्र पटक–पटक सारिएको थियो ।

उद्योग सङ्घको प्रदर्शनी केन्द्रमा हुने बन्दसत्रमा अनुशासन आयोगको प्रतिवेदन, आर्थिक प्रतिवेदन, संगठनात्मक प्रतिवेदन तथा राजनीतिक प्रतिवेदन प्रस्तुत गरिनेछ । छलफलपछि ती प्रतिवेदन पारित गरी अन्तरिम व्यवस्थापन समिति घोषणा गर्ने र त्यसपछि आयोजक समितिले सम्पूर्ण जिम्मेवारी निर्वाचन आयोगलाई हस्तान्तरण गर्ने तयारी गरिएको छ । त्यससँगै नयाँ नेतृत्व चयनका लागि निर्वाचन प्रक्रिया सुरु हुनेछ ।

महाधिवेशन प्रतिनिधिको नामावली सच्याउन समय लागेकाले बन्दसत्र सुरु हुन नसकेको रास्वपाका नेताहरूले बताएका छन् । सोमबार बिहानदेखि नै बन्दसत्र स्थलमा प्रतिनिधिहरू उपस्थित भए पनि कार्यक्रम सञ्चालन हुन सकेको थिएन । केही प्रतिनिधिले उम्मेदवारी घोषणा गर्दै मत माग्नसमेत सुरु गरेका थिए ।

बन्दसत्र स्थगित हुँदा रास्वपाको पहिलो महाधिवेशनको कार्यतालिका प्रभावित भएको छ भने महाधिवेशन केही लम्बिने संकेत देखिएको छ । यस महाधिवेशनबाट नयाँ कार्यसमिति चयन गरिनेछ । महाधिवेशनको उद्घाटन आइतबार सभापति रवि लामिछाने र वरिष्ठ नेता एवं काठमाडौं महानगरपालिकाका प्रमुख बालेन्द्र शाहले गरेका थिए ।

सम्बन्धित समाचार

कस्तो रहला आजको मौसम ?
कस्तो रहला आजको मौसम ?
  • २०८३ असार ९, ०९: १२

काठमाडौं : हाल नेपालको पश्चिमी भू–भागमा पश्चिमी वायुको तथा पूर्वी भू–भागमा भारतको ओडिसा आसपास अवस्थित न्यून चापीय प्रणालीको आंशिक प्रभाव...

आजका लागि विदेशी मुद्राको विनिमयदर
आजका लागि विदेशी मुद्राको विनिमयदर
  • २०८३ असार ९, ०९: १२

काठमाडौं : नेपाल राष्ट्र बैंकले आजका लागि विदेशी मुद्राको विनिमयदर निर्धारण गरेको छ। राष्ट्र बैंकका अनुसार अमेरिकी डलर एकको खरिददर...

प्रधानमन्त्री शाह आज भारतको दुईदिने राजकीय भ्रमणमा जाँदै
प्रधानमन्त्री शाह आज भारतको दुईदिने राजकीय भ्रमणमा जाँदै
  • २०८३ असार ९, ०९: १२

काठमाडौं । प्रधानमन्त्री बालेन्द्र शाह आज भारतको दुईदिने राजकीय भ्रमणमा जाँदैछन् । भारतीय प्रधानमन्त्री नरेन्द्र मोदीको मैत्रीपूर्ण निमन्त्रणामा प्रधानमन्त्री शाह...