- अनामनगर काठमाडौँ
- infobikalpa21@gmail.com
काठमाडौं । आईसीसी क्रिकेट विश्वकप लिग–२ अन्तर्गत नेदरल्यान्ड्समा हुने त्रिदेशीय शृङ्खलाका लागि नेपाली राष्ट्रिय पुरुष क्रिकेट टोलीलाई आइतबार औपचारिक रूपमा बिदाइ गरिएको छ ।
नेदरल्यान्ड्स र नामिबियाविरुद्ध प्रतिस्पर्धा गर्ने नेपाली टोलीलाई विशेष समारोहबीच बिदाइ गरिएको हो । कार्यक्रममा नेपाल क्रिकेट संघ (क्यान) का सचिव Paras Khadka ले टोलीले गत वर्ष स्कटल्यान्डमा देखाएको उत्कृष्ट प्रदर्शनलाई यसपटक पनि दोहोर्याउने विश्वास व्यक्त गरे ।
त्यसैगरी टोलीका कप्तान Rohit Paudel ले टोलीको संयोजन सन्तुलित रहेको भन्दै सकारात्मक नतिजा आउनेमा आफू विश्वस्त रहेको बताए ।
उनले भने, “हाम्रो टोलीको संयोजन निकै राम्रो छ । नेदरल्यान्ड्स र नामिबियाविरुद्ध उत्कृष्ट प्रदर्शन गर्ने विश्वास लिएका छौँ । त्यसअनुसार मानसिक तयारी गरेका छौँ र प्रत्येक खेलाडीले आफ्नो शतप्रतिशत प्रदर्शन गर्नेछन् ।”
नेपालले जुलाई २१ देखि सुरु हुने लिग–२ त्रिदेशीय शृङ्खलाअघि जर्सीमा तयारी क्याम्प सञ्चालन गर्नेछ । क्यानका अनुसार टोलीले जर्सीमा जुलाई १३ र १५ मा दुई अभ्यास एकदिवसीय खेल पनि खेल्नेछ ।
काठमाडौं । फिफा विश्वकप २०२६ अन्तर्गतको प्रि–क्वाटरफाइनल खेलमा फ्रान्सले पाराग्वेमाथि कठिन जित निकाल्दै क्वाटरफाइनलमा स्थान सुरक्षित गरेको छ। आइतबार सम्पन्न...
काठमाडौं । फिफा विश्वकप २०२६ अन्तर्गत खेलमा बेल्जियमले सेनेगललाई ३–२ ले पराजित गरेको छ । सिएटलमा भएको खेलमा सेनेगललाई ३–२...
काठमाडौँ| फिफा विश्वकप फुटबल प्रतियोगिताअन्तर्गत आज भएको खेलमा फ्रान्सले स्विडेनलाई ३–० गोलअन्तरले पराजित गर्दै अन्तिम १६ मा स्थान बनाएको छ...
