आजदेखि पुनः १४.२ केजीको भरी एलपी ग्यास बिक्री सुरु, मूल्य यथावत् २,०६० रुपैयाँ – Naya Bikalpa
November 22, 2026, Sunday      Epaper

आजदेखि पुनः १४.२ केजीको भरी एलपी ग्यास बिक्री सुरु, मूल्य यथावत् २,०६० रुपैयाँ

काठमाडौं । नेपाल आयल निगम लिमिटेडले आज (असार ३१ गते)देखि देशभर पुनः १४.२ केजीको भरी एलपी ग्यास सिलिन्डरको बिक्री–वितरण सुरु गरेको छ। ग्यासको आपूर्ति सहज बनेपछि पुरानै प्रणालीअनुसार भरी सिलिन्डर उपलब्ध गराउने व्यवस्था गरिएको निगमले जनाएको छ।

मंगलबार जारी गरिएको प्रेस विज्ञप्तिअनुसार उपभोक्ताले अब १४.२ केजीको भरी एलपी ग्यास सिलिन्डर साबिककै २ हजार ६० रुपैयाँमा खरिद गर्न सक्नेछन्।

भारतबाट ग्यास आयातमा समस्या उत्पन्न भएपछि निगमले गत फागुन २९ गतेदेखि ७.१ केजी (आधा) ग्यास भरेका सिलिन्डर मात्र बिक्री–वितरण गर्दै आएको थियो। हाल आयात अवस्था सहज भएसँगै बजारको मागलाई ध्यानमा राखेर पुनः १४.२ केजीको भरी सिलिन्डर बिक्री सुरु गरिएको निगमले जनाएको छ।

निगमका अनुसार केही समयसम्म बजारमा ७.१ केजीको आधा सिलिन्डर र १४.२ केजीको भरी सिलिन्डर दुवै प्रकारका ग्यास सिलिन्डर उपलब्ध हुनेछन्।

उपभोक्तालाई ग्यास खरिद गर्दा सिलिन्डरको तौल र मूल्य राम्रोसँग जाँच गरेर मात्र खरिद गर्न तथा आवश्यकताभन्दा बढी ग्यास सञ्चित नगर्न निगमले आग्रह गरेको छ। सहज र नियमित आपूर्तिका लागि सबै उपभोक्ताको सहयोग आवश्यक रहेको निगमले जनाएको छ।

सम्बन्धित समाचार

कस्तो रहला आजको मौसम ?
कस्तो रहला आजको मौसम ?
  • २०८३ असार ३१, १०: ३२

काठमाडौं : हाल नेपालको पश्चिमी भू–भागमा पश्चिमी वायुको तथा पूर्वी भू–भागमा भारतको ओडिसा आसपास अवस्थित न्यून चापीय प्रणालीको आंशिक प्रभाव...

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०८३ असार ३१, १०: ३२

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०८३ असार ३१, १०: ३२

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...