तयारी पोसाक उद्योग प्रवर्द्धनमा सरकारको जोड, ‘टेक्सटाइल एण्ड क्लोदिङ डेभलमेन्ट काउन्सिल’ गठन प्रक्रिया अघि बढाइने – Naya Bikalpa
November 22, 2026, Sunday      Epaper

तयारी पोसाक उद्योग प्रवर्द्धनमा सरकारको जोड, ‘टेक्सटाइल एण्ड क्लोदिङ डेभलमेन्ट काउन्सिल’ गठन प्रक्रिया अघि बढाइने

काठमाडौँ ।  प्रधानमन्त्री वालेन्द्र शाहले स्वदेशमा उपलब्ध कच्चा पदार्थमा आधारित गुणस्तरीय तयारी पोसाक (टेक्सटाइल) उद्योगको विकास र प्रवर्द्धनमा सरकार प्रतिबद्ध रहेको बताएका छन्।

प्रधानमन्त्री तथा मन्त्रिपरिषद्को कार्यालयमा आज नेपाल तयारी पोसाक उद्योग संघका पदाधिकारीसँग भएको छलफलमा प्रधानमन्त्री शाहले उद्योगको विकास तथा विस्तारका लागि सरकारले आवश्यक सबै प्रकारको सहजीकरण गर्ने प्रतिबद्धता व्यक्त गरे।

संघको मागअनुसार उद्योग, वाणिज्य तथा आपूर्ति मन्त्रालयअन्तर्गत ‘टेक्सटाइल एण्ड क्लोदिङ डेभलमेन्ट काउन्सिल’ गठन प्रक्रिया तत्काल अघि बढाउन उनले सम्बन्धित मन्त्रीलाई निर्देशन दिएका छन्। काउन्सिल गठन भएपछि स्वदेशी कच्चा पदार्थमा आधारित तयारी पोसाकको निर्यात प्रवर्द्धन तथा आयात व्यवस्थापनमा सहयोग पुग्ने अपेक्षा गरिएको छ।

प्रधानमन्त्री शाहले निजी क्षेत्रका रुग्ण तयारी पोसाक उद्योगहरू पुनः सञ्चालनमा ल्याउन उद्योग मन्त्रालयलाई आवश्यक पहल गर्न निर्देशन दिएका छन्। साथै, निःशुल्क व्यापार सम्झौता (एफटीए) र वैदेशिक लगानी (एफडीआई) आकर्षित गर्न तथा अमेरिकामा परीक्षण प्रमाणपत्र (टेस्टिङ सर्टिफिकेसन) अभावका कारण रोकिएका तयारी पोसाकलगायतका वस्तुको निर्यात सहज बनाउन परराष्ट्र मन्त्रालयलाई आवश्यक पहल गर्न पनि निर्देशन दिएका छन्।

उनले ‘फार्म टु फाइबर’, ‘फाइबर टु फेब्रिक’, ‘फेब्रिक टु फेसन’ र ‘फेसन टु एक्सपोर्ट’ अवधारणालाई सफल बनाउन आवश्यक दक्ष जनशक्ति उत्पादन गर्ने प्रतिबद्धता समेत जनाए।

छलफलमा ग्रिन गार्मेन्ट भिलेजका लागि बजेट अभावबारे उद्योगीहरूले ध्यानाकर्षण गराएका थिए। त्यसमा प्रधानमन्त्री शाहले उपयुक्त स्थानमा जग्गा पहिचान गर्न आग्रह गर्दै आवश्यक बजेट व्यवस्थापन गर्ने आश्वासन दिएका छन्।

प्रधानमन्त्री शाहले नेपाललाई विकासशील राष्ट्र बनाउने लक्ष्य हासिल गर्न तयारी पोसाक उद्योगका समस्या समाधानमा सरकार गम्भीर रहेको उल्लेख गर्दै उद्योगलाई आवश्यक पर्ने कच्चा पदार्थ तथा सामग्री स्वदेशमै उत्पादन गर्न सक्षम बन्नुपर्नेमा जोड दिए।

छलफलमा नेपाल तयारी पोसाक उद्योग संघका अध्यक्ष पशुपतिदेव पाण्डे, प्रथम उपाध्यक्ष बसन्तराज अधिकारी, महासचिव भीमकुमार गिरी, प्रमुख कार्यकारी अधिकृत सुयश खनाल तथा प्राविधिक सल्लाहकार प्रकाशकुमार झाको सहभागिता रहेको थियो।

सम्बन्धित समाचार

कस्तो रहला आजको मौसम ?
कस्तो रहला आजको मौसम ?
  • २०८३ श्रावण ५, १९: २१

काठमाडौं : हाल नेपालको पश्चिमी भू–भागमा पश्चिमी वायुको तथा पूर्वी भू–भागमा भारतको ओडिसा आसपास अवस्थित न्यून चापीय प्रणालीको आंशिक प्रभाव...

आजका लागि विदेशी मुद्राको विनिमयदर
आजका लागि विदेशी मुद्राको विनिमयदर
  • २०८३ श्रावण ५, १९: २१

काठमाडौं : नेपाल राष्ट्र बैंकले आजका लागि विदेशी मुद्राको विनिमयदर निर्धारण गरेको छ। राष्ट्र बैंकका अनुसार अमेरिकी डलर एकको खरिददर...

प्रधानमन्त्री शाह आज भारतको दुईदिने राजकीय भ्रमणमा जाँदै
प्रधानमन्त्री शाह आज भारतको दुईदिने राजकीय भ्रमणमा जाँदै
  • २०८३ श्रावण ५, १९: २१

काठमाडौं । प्रधानमन्त्री बालेन्द्र शाह आज भारतको दुईदिने राजकीय भ्रमणमा जाँदैछन् । भारतीय प्रधानमन्त्री नरेन्द्र मोदीको मैत्रीपूर्ण निमन्त्रणामा प्रधानमन्त्री शाह...