
काठमाडौं । साताको दोस्रो कारोबार दिन सोमबार पनि नेप्से परिसूचकमा गिरावट आएको छ । आज नेप्से ९.०४ अंकले घटेर २६४१.०५ विन्दुमा पुगेर कारोबार बन्द भएको छ ।
आज कुल ३५२ कम्पनीका १ करोड ९ लाख ६६ हजार ७४५ कित्ता शेयर कारोबार भएका छन् । दिनभरमा ३ अर्ब ६७ करोड ४४ लाख १९ हजार ७६६ रुपैयाँ बराबरको कारोबार भएको छ ।
आज हाइड्रोपावर, उत्पादन तथा प्रशोधन, माइक्रोफाइनान्स र निर्जीवन बीमा समूहबाहेक अधिकांश क्षेत्रका शेयरमूल्य घटेका छन् ।
कारोबारमा कर्पोरेट डेभलपमेन्ट बैंकको शेयरमूल्य सबैभन्दा धेरै ८.४७ प्रतिशतले बढेको छ । त्यस्तै दारमखोला हाइड्रोपावरको शेयरमूल्य ६ प्रतिशतले वृद्धि भएको छ ।
यता, रिलायबल समृद्धि योजनाको शेयरमूल्य सबैभन्दा धेरै ९.७० प्रतिशतले घटेको छ ।
कारोबार रकमका आधारमा सोलु हाइड्रोपावर शीर्ष स्थानमा रहेको छ । कम्पनीको ४६ करोड ३७ लाख रुपैयाँ बराबरको शेयर कारोबार भएको छ । त्यस्तै रिडी पावर कम्पनीको २९ करोड २७ लाख रुपैयाँ बराबरको कारोबार भएको छ ।
काठमाडौं : नेपाल राष्ट्र बैंकले आजका लागि विदेशी मुद्राको विनिमयदर निर्धारण गरेको छ। राष्ट्र बैंकका अनुसार अमेरिकी डलर एकको खरिददर...
काठमाडौँ । साताको कारोबारको अन्तिम दिन बिहीबार नेपाल स्टक एक्सचेञ्ज (नेप्से) परिसूचक सामान्य अंकले बढेको छ । आज नेप्से ३.६२...
काठमाडौं । छठको निहुँ बनाएर रास्वपा सभापति रवि लामिछाने र नेपाली कांग्रेसका सभापति गगन थापा मधेश प्रदेश ओर्लिएका छन् ।...