पार्टी विधिसम्मत संचालन गर्न माग गर्दै रामचन्द्रदेखि सरितासम्मको उजुरी ( पूर्ण पाठ सहित)

नयाँं विकल्प

काठमाडौ – नेपाली कांग्रेस पार्टी विधिसम्मत संचालन गर्न माग गर्दै पार्टीका पदाधिकारी सहित २७ केन्द्रीय सदस्यहरुले उजुरी गरेका छन् ।

पार्टी सभापति शेरबहादुर देउवासमक्ष उजुरी गर्दै सोमबार पार्टी मुख्यालय सानेपामा उजुरी दर्ता गरिएकाे हाे । पार्टी भित्रै संगठनमा बर्चश्वको चिन्तामा मात्र केन्द्रीत भएकाले नेतृत्व मूल प्रतिपक्षीय दायित्वबाट बञ्चित भएको, पार्टी भित्र अविश्वास, अनेकता र आशंकाको बादल मडारिएर संस्थापन र इतरपक्षका नाममा ध्रुवीकरणको स्थिति निम्तिएको उनीहरुले निवेदनमा उल्लेख गरेका छन् ।

उनीहरुले पार्टी समक्ष बिभिन्न माग समेत राखेका छन् । यसरी हस्ताक्षर गर्ने पार्टीका केन्द्रीय पदाधिकारी तथा सदस्यहरुमा नेता रामचन्द्र पौडेल, महामन्त्री डा. शशांक कोइराला, कोषाध्यक्ष . सीतादेवी यादव पूर्वमहामन्त्री प्रकाशमान सिंह, पूर्वसहमहामन्त्री डा. रामशरण महत छन् ।

त्यसैगरी, पूर्वसहमहामन्त्री अर्जुननरसिंह के.सी. केन्द्रीय सदस्यहरू बलबहादुर के.सी, महेश आचार्य, दिलबहादुर घर्ती, डा. मिनेन्द्र रिजाल, सुजाता कोइराला, दिलेन्दप्रसाद बडू, डा शेखर कोइराला, दीपक गिरी, नविन्द्रराज जोशी, डा. चन्द्र भण्डारी, कमला पन्त, धनराज गुरुङ्ग, रत्न शेरचन, बद्रीप्रसाद पाण्डे, जीवन परियार, गुरुराज घिमिरे, कल्याणकुमार गुरुङ्ग, रामकृष्ण यादव, हृदयराम थानी, किरण यादव, सरिता प्रसाईं, छन् ।