कर्णालीको अविश्वास प्रस्तावको तरङ्गले बाग्मतीका मुख्यमन्त्री तनावमा

नयाँ विकल्प
काठमाडौं– कर्णाली प्रदेशका मुख्यमन्त्री महेन्द्र बहादुर शाहीविरुद्ध प्रदेशसभा संसदीय दलमा अविश्वासको प्रस्ताव दर्ता भएपछि विभिन्न शक्ति केन्द्रमा तरंग गएको छ । बिशेषगरी नेकपा अध्यक्ष पुष्पकमल दाहाल प्रचण्डले आफुलाई तर्साउन दर्ता भएको आफुु निकटसँग बताएका छन् ।

कर्णाली प्रदेशका मुख्यमन्त्री शाही पूर्वमाओवादी कोटाबाट मुख्यमन्त्री बनेका हुन् । उनीविरुद्ध आएको प्रस्तावलाई अध्यक्ष प्रचण्डले यसअघि भएको सहमति विपरित भनि गुनासो गरेको स्रोतले बतायो । शाहीविरुद्धको प्रस्तावको अगुवाई यमलाल कंँडेल पूर्वएमालेबाट चुनाव जितेका हुन् ।

भागबण्डामा सो प्रदेशको मुख्यमन्त्री पूर्वमाओवादीलाई नपरेको भए उनी मुख्यमन्त्रीका सशक्त दावेदार थिए । कुनैबेला नेकपामा उपाध्यक्ष बामदेव गौतम निकट मानिने कंडेल पछिल्लो समय प्रधानमन्त्री ओली क्याम्प निकट थिए ।

कर्णाली प्रदेशका मुख्यमन्त्री हटाउन पूर्वएमालेले अगुवाई गरेपछि बाग्मती प्रदेशका पूर्वमाओवादी सल्बलाएका छन् । पूर्वएमाले समूहभित्रै मुख्यमन्त्री पौडेलप्रति ठुलो असन्तुष्टि रहँदै आएको छ ।

जसरी पूर्वएमालेले शाहीविरुद्ध अविश्वासको प्रसताव ल्याएर प्रचण्डलाई तर्साउन कोशिस गरे त्यसैगरी बागमतीका पूर्वमाओवादीले मुख्यमन्त्री डोरमणि पौडेल विरुद्धको प्रस्ताव ल्याएर प्रधामनन्त्री केपी शर्मा ओलीलाई तर्साउन प्रयास गर्ने भएका छन् । पौडेल प्रधानमन्त्री ओली निकट मानिन्छन् ।

प्रधानमन्त्री ओलीले ठुलो मेहनत गरेर मुख्यमन्त्रीको कुुर्सीमा चढाईदिएका पौडेलको पद पहिलादेखिनै धरापमा छ । नेकपा केन्द्रमा विवाद भएपछि त्यसलाई मिलाउन महासचिव विष्णु पौडेलको संयोजकत्वमा गठित कार्यदलले समेत पौडेललाई मुख्यमन्त्रीबाट हटाउन सुझाव दिएका थिए ।

पार्टीभित्रको समस्या समाधानका लागि केन्द्रमा केही मन्त्रीहरु र प्रदेशमा केही मुुख्यमन्त्रीहरु परिवर्तन गर्ने पनि कार्यदलको सुझाव थियो । तर अहिलेसम्म ति सुझाव कार्यान्वयन भएको छैन ।

बाग्मती प्रदेशका मुख्यमन्त्री पौडेललाई केन्द्रमा बनेको कार्यदलले परीवर्तन गर्न सिफारिस गरेपनि त्यो कार्यान्वयन नभएपछि प्रदेशसभा सदस्यहरुले अविश्वासको प्रस्ताव ल्याउने तयारी गरेका छन् ।

एक सदस्यले भने ‘अविश्वासको प्रस्ताव ल्याउँदा अलिकति तितो मिठो गर्नुपर्ने हुन्छ सकेसम्म केन्द्रले उहाँलाई हट्न निर्देशन दियो भने सजिलो हुुन्छ भनेर पर्खेर बस्यौ, तर अहिलेसम्म त्यसो भएन । त्यसकारण छिट्टै प्रस्ताव दर्ता गर्छाैं ।’

ती सदस्यका अनुसार प्रदेशसभाको संसदीय दलमा अविश्वासको प्रस्ताव दर्ता गर्ने तयारी छ । यसका लागि ५० भन्दा बढि संसादले हस्ताक्षर गरेका छन् । ४० सदस्य प्रदेशसभामा नेकपाका ३३ सदस्य छन् ।