- अनामनगर काठमाडौँ
- infobikalpa21@gmail.com
नयाँ विकल्प,
काठमाडौं – भक्तपुर जिल्लाको चाँगुनारायण नगरपालिका–८, सुडालका चन्द्रकुमार योञ्जनसँग जग्गा खरिद गर्ने बहानामा उनलाई एकान्तमा लगेर हत्या गर्ने तीन अभियुक्तलाई प्रहरीले पक्राउ गर्न सफल भएको छ ।
सुडालका ६१ वर्षीय योञ्जनको गत बुधबार जग्गा हेर्ने बहानामा लुटपाट गरी हत्या गर्ने सिन्धुपाल्चोकका ३७ वर्षीय कामी शेर्पा, २८ वर्षीय रमेश तामाङ र ३० वर्षीय प्रेम तामाङलाई प्रहरीले पक्राउ गरी सार्वजनिक गरेको हो ।
महानगरिय प्रहरी अपराध महाशाखाको टोलीले हत्याका मुख्य योजनाकार कामी शेर्पा भएको जनाएको छ ।
गत बुधबार ४ बजे घरमा आएका तीन युवाले बेच्ने जग्गा देखाउन योञ्जनलाई अनुरोध गरेपछि उनी डेढ किलोमिटर टाढाको दूरीमा रहेको जग्गा देखाउन गएका थिए ।
घरमै मदिरा र किराना पसल संचालन गर्दै आएका योञ्जन घर जग्गाको कारोबार समेत गर्दथे । जग्गा देखाउन गएका योञ्जनलाई जग्गा किन्ने बहाना गरेर आएका तीन युवाले निर्घात कुटेर बेहोस बनाएपछि गरगहना र मोबाइल लुटेर भागेका थिए ।
योञ्जनको ग्रिनसिटी अस्पतालमा उपचारको क्रममा बिहीबार बिहान मृत्यु भएको थियो । अपराध महाशाखाका प्रमुख एसएसपी दीपक थापाले मुख्य योजनाकार कामी शेर्पा रहेको, कुटपिट रमेश तामाङले गरेको र प्रेम तामाङले समात्न सहयोग गरेको बयान उनीहरुले दिएको जनाए ।
काठमाडौं : राष्ट्रपति रामचन्द्र पौडेलले सार्वजनिक खरिदसम्बन्धी अध्यादेश जारी गरेका छन् । सरकारको सिफारिसमा राष्ट्रपति पौडेलले सार्वजनिक खरिद (दोस्रो संशोधन)...
काठमाडौँ : रोल्पाको थवाङस्थित जलजलामा जिप दुर्घटना हुँदा १७ जनाको मृत्यु भएको छ । थवाङ गाउँपालिका-१ जलजलामा रुकुमपूर्वबाट जलजलातर्फ जाँदै...
काठमाडौं : राष्ट्रपति रामचन्द्र पौडेलले सहकारीसम्बन्धी अध्यादेश जारी गरेका छन् । सरकारको सिफारिसमा राष्ट्रपति पौडेलले आज सहकारीसम्बन्धी अध्यादेश जारी गरेका...
