सोती घटनाको ‘प्रेमिका’ भनिएकी किसोरीसहित दुईलाई छाड्न आदेश, ६ अभियुक्त छाड्ने आदेशमा मत बाझियो – Naya Bikalpa
November 20, 2026, Friday      Epaper

सोती घटनाको ‘प्रेमिका’ भनिएकी किसोरीसहित दुईलाई छाड्न आदेश, ६ अभियुक्त छाड्ने आदेशमा मत बाझियो


नयाँ विकल्प,
काठमाडौं – रुकुम पश्चिमको चौरजहारी नगरपालिकास्थित सोती गाउँमा गत जेठ १० मा ६ युवाको ज्यान जाने गरी भएको घटनाका २ अभियुक्तलाई छाड्न उच्च अदालत सुर्खेतले आदेश दिएको छ ।

घटनामा मारिएका नवराज विककी ‘प्रेमिका’ भनिएकी मल्ल थरकी युवती र उनकी एक आफन्त किशोरीलाई जिल्ला अदालतले बाल सुधारगृहमा पुर्र्पक्षका लागि राख्न र एक किशोरीलाई एक लाख धरौटीमा र तीन जनालाई साधारण तारेखमा छाड्न दिएको आदेश उच्चअदालतले बद्धर गरेको हो ।

उच्च अदालत सुर्खेतका मुख्य न्यायाधिश डा. कुमार चुडाल र न्यायाधीश सुदर्शनदेव भट्टको संयुक्त इजलासामा पेश भएको सो मुद्धामा दुई न्यायाधिशबीच सो घटनामा पुर्पक्षका लागि थुनामा राख्न आदेश दिएकामध्ये ६ जनालाई साधरण तारेखमा छाड्ने र नछाड्ने बिषयमा राय बाझिएको छ ।

जिल्ला अदालत रुकुम पश्चिमका न्यायाधीश विद्याराज पौडेलले प्रतिवादी बनाई ३४ जनालाई मुद्धा दायर भएकोमा दुई किशोरीलाई बाल सुधारगृहमा, एक किसोरीलाई एक लाख धरौटीमा, तीनलाई साधारण तारेखमा र २८ लाई पुर्पपक्षको लागि कारागार चलान गर्ने आदेश दिएका थिए ।

सोती घटनामा जिल्ला अदालतले गरेको आदेशमा चित्त नबुझी वादी र प्रतिवादी दुबै उच्च अदालत सुर्खेत गएका थिए । न्यायाधिश भट्टले २८ मध्ये ६ जनालाई साधारण तारेखमा छोड्न नमिलल्ने जनाउँदै जिल्ला अदालत रुकुम पश्चिमकै आदेशमा सहमत भएका छन् ।

तर, मुख्य न्यायाधिश डा. चुडालले भने जिल्ला अदालत पश्चिम रुकुमको आदेशका प्रतिवादीहरू सबिन पुन, भीमबहादुर बुढा, डिल्ली घर्ती, लोकेन्द्र घर्ती, तुलाराम घर्ती र सौरभ पुनसमेत गरी ६ जनालाई साधारण तारेखमा छाड्नु पर्ने आदेश दिएका थिए ।

एउटै मुद्धामा दुई न्यायाधिशबचि राय बाझिएपछि अब तेस्रो न्यायाधीश समक्ष पेश गरेर निर्णय लिनुपर्ने कानुनी व्यवस्था छ । तेश्रो न्यायाधिशको राय यसअघि राय दिने न्यायाधिशसँग राय नमिलेमा सर्वोच्च अदालतमा सो मुद्धा जाने देखिन्छ ।

सम्बन्धित समाचार

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०७७ आश्विन २७, १५: ५२

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...

सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
  • २०७७ आश्विन २७, १५: ५२

काठमाडौं । सरकारले भोटेकोशी बाढी प्रभावित क्षेत्रको पुनर्निर्माण तथा राहतका लागि चीन सरकारबाट प्राप्त हुने २ मिलियन अमेरिकी डलर अनुदान...

स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
  • २०७७ आश्विन २७, १५: ५२

काठमाडौँ । निर्वाचन आयोगले आगामी स्थानीय तह निर्वाचनको मिति निर्धारण गर्ने विषयमा संघीय संसद्मा प्रतिनिधित्व गर्ने राजनीतिक दलहरूसँग छलफल गर्ने...