कोरोना उपचारबाट सरकारले हात झिकेपछि अबको काम लास र संक्रमितको संख्या गन्ने मात्र ? – Naya Bikalpa
November 20, 2026, Friday      Epaper

कोरोना उपचारबाट सरकारले हात झिकेपछि अबको काम लास र संक्रमितको संख्या गन्ने मात्र ?

नयाँ विकल्प
काठमाडौं–स्वास्थ्य मन्त्रालयमा झुण्ड्याएको घडीमा दिउँसोको चार बज्नै लाग्दा कर्मचारीको कुदाकुद चल्छ । कोही क्यामेरा बोकेर कुुद्छन्, कोही पानीको बोतल बोकेर सेमिनार हलतर्फ लाग्छन् । त्यसपछि हातमा फाईल बोकेर सो हलमा पुग्छन् प्रा. डा. जागेश्वरद्ध गौतम ।

उनी स्वास्थ्यमन्त्रालयका प्रवक्ता समेत हुन् । अनि उनीसंगै सांकेतिक भाषाका ज्ञाता छेउमा उभिन्छन्। जब गौतमले मुख चलाउन थाल्छन् तव ती सांकेतिक भाषाका ज्ञाताले हात हल्लाउन थाल्छन् ।

गौतमले भन्छन्, –आज दुःखद् खबर छ यति जना पुरुष र यति जना महिला कोरोना संक्रमणका कारण बित्नुभयो । त्यसपछि उनले अर्को सुःखद् खबर सुनाउछन्– आज यति जना कोरोना निको भएर घर फर्किनुभयो । अनि उनले गर्वका साथ भन्छन्– देशभरी आज यति नयाँं संक्रमित थपिनुभयो, त्यसमा महिला यति पुरुष यति।

कोरोना संक्रमण हुनेको संख्या थपिदै गएपछि उनको मुखराविन्दबाट नयाँं नियम र कार्यविधि समेत सार्वजनिक हुने गर्छ । अघिल्लो दिन आफुले भनेको नियम भोलिपल्ट उनकै मुखबाट बदलिन्छ ।

उनी स्वास्थ्य मन्त्रालयका प्रवक्ता भएपनि आईतबारको पत्रकार सम्मेलनपछि धेरैले टिप्प्णी गरे– कोरोनाले निधन भएका मानिसको लास र संक्रमितको संख्या गन्न यत्रो पढे लेखेको विशेषज्ञ चिकित्सकलाई सरकारले किन खटाएको होला ?

आईतबार उनले घोषणा गरे– अब सरकारले संंक्रमितको उपचार गर्दैन, संक्रमितले आफ्ने निजी खर्चमा उपचारगर्नुपर्ने छ । कोरोनाबाट निधन भएकाहरुको लासको व्यवस्थापना समेत परिवारले गर्नुपर्ने छ ।

आईतबारबाट सरकारले कोरोना नियन्त्रण गर्ने बाटोबाट हात झिकेको छ । अब स्वस्थ्य मन्त्रालयको काम प्रवक्ता गौतम मार्फत लास र संक्रमितको संख्या गन्न लगाउने र ठुलो गौरबको काम भएझै गरी भन्न लगाउने ।

सरकारले अरु कुनै काम नगरेपछि ठुलो उत्सवको समाचार जस्तो यति मरे र यति संक्रमित भए भन्ने काम मात्रै सरकारको हो ? भनेर आम प्रश्न उठेको छ ।

सम्बन्धित समाचार

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०७७ कार्तिक ३, १३: ११

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...

सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
  • २०७७ कार्तिक ३, १३: ११

काठमाडौं । सरकारले भोटेकोशी बाढी प्रभावित क्षेत्रको पुनर्निर्माण तथा राहतका लागि चीन सरकारबाट प्राप्त हुने २ मिलियन अमेरिकी डलर अनुदान...

स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
  • २०७७ कार्तिक ३, १३: ११

काठमाडौँ । निर्वाचन आयोगले आगामी स्थानीय तह निर्वाचनको मिति निर्धारण गर्ने विषयमा संघीय संसद्मा प्रतिनिधित्व गर्ने राजनीतिक दलहरूसँग छलफल गर्ने...