चौरसिया हत्या घटनामा पूर्वसभासद गुप्तासहित १२ जनाविरुद्ध किटानी जाहेरी – Naya Bikalpa
November 20, 2026, Friday      Epaper

चौरसिया हत्या घटनामा पूर्वसभासद गुप्तासहित १२ जनाविरुद्ध किटानी जाहेरी

तत्कालिन संविधानसभा सदस्य राजकुमार गुप्ता


नयाँ विकल्प,

काठमाडौं – तत्कालिन नेकपा एमालेका संविधानसभा सदस्य तथा हालको नेकपाका नेता राजकुमार गुप्ताविरुद्ध बिहीबार जिल्ला सरकारी वकिलको कार्यालय पर्षा वीरगंजमा किटानी जाहेरी दर्ता भएको छ ।

गत कात्तिक ६ गते नेकपा विन्दवासिनी गाउँ कमिटीको सपथग्रहण समारोहमा पूर्वएमाले पृष्ठभूमि भएका नेकपाका कार्यकर्ताले पूर्वमाओवादी पृष्ठभूमिका नेता मुकेश चौरसियासहित ९ जनालाई आक्रमण गरी घाईते बनाएका थिए ।

उपचारको क्रममा कात्तिक ७ निधन भएका चौरसियाको कुटपिटमा संलग्नलाई पक्राउ गरी कारबाहीको माग गर्दा र पीडित मुकेसका भाई महेश चौरसियाले पूर्वसभासद गुप्तासहित ८ जनाविरुद्ध किटानी जाहेरी दिँदा जिल्ला प्रहरी कार्यालय पर्षाले जाहेरी लिन मानेको थिएन ।

जिप्रका पर्षाकी प्रमुख एसपी (प्रहरी उपरिक्षक) गंगा पन्तले गुप्ताको नाम हटाएर किटानी जाहेरी दिए मात्र लिने भन्दै अडान लिएपछि सरकारी वकिलको कार्यालयमा पूर्वसभासद् चौरसिया लगायत १२ जनाबिरुद्ध बिहीबार किटानी जाहेरी परेको हो ।

बिहीबार दिउँसो जिल्ला सरकारी वकिलको कार्यालयले सो किटानी जाहेरी दर्ता गर्दै जिल्ला प्रहरी कार्यालय बीरगंजलाई पठाएको हो । अब पूर्वसांसद गुप्ताबिरुद्ध अनुसन्धान तहकिकात गर्न पर्षा प्रहरीलाई बाध्यकारी हुने देखिन्छ ।

चौरसियाको कुटपिटबाट निधन भएपछि बीरगंजमा विगत ६ दिनदेखि दैनिक रुपमा नेकपाका नेताहरुले प्रदर्शन गर्दै आएका छन् । पीडित परिवारका सदस्यहरुले चौरसियाको हत्याको योजनाकार र संरक्षक गुप्ता भएको भन्दै पक्राउ गर्न माग गरेका छन् ।

घटना भएकै दिन पूर्वसभासद गुप्ता काठमाडौं आएर सनराईज सिटी अपार्टमेन्टको एफ सेभेनमा बस्ने गरेको स्रोतले जनायो ।

सम्बन्धित समाचार

प्रेस स्वतन्त्रतामाथि सरकारी हस्तक्षेपविरुद्ध तीन पत्रकार सङ्गठनको संयुक्त विज्ञप्ति, महासङ्घको आन्दोलनमा साथ
प्रेस स्वतन्त्रतामाथि सरकारी हस्तक्षेपविरुद्ध तीन पत्रकार सङ्गठनको संयुक्त विज्ञप्ति, महासङ्घको आन्दोलनमा साथ
  • २०७७ कार्तिक १३, १६: ३४

काठमाडौँ, ४ मङ्सिर — पछिल्लो समय सरकारका विभिन्न निर्णय र व्यवहारबाट प्रेस तथा अभिव्यक्ति स्वतन्त्रतामाथि गम्भीर प्रहार भइरहेको भन्दै मुख्य...

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०७७ कार्तिक १३, १६: ३४

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...

सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
  • २०७७ कार्तिक १३, १६: ३४

काठमाडौं । सरकारले भोटेकोशी बाढी प्रभावित क्षेत्रको पुनर्निर्माण तथा राहतका लागि चीन सरकारबाट प्राप्त हुने २ मिलियन अमेरिकी डलर अनुदान...