कोराना संक्रमणबीच संचालन हुन थाल्यो पाँच तारे ‘होटल मेची क्राउन’ – Naya Bikalpa
November 20, 2026, Friday      Epaper

कोराना संक्रमणबीच संचालन हुन थाल्यो पाँच तारे ‘होटल मेची क्राउन’

हाेटल मेची क्राउन


नयाँ विकल्प,

काकरभिट्टा – कोरोना भाइरस संक्रमणले मुलुकमा महामारी फैलिइरहेको बेला पूर्वी नेपालको मेचीनगरस्थित काकरभिट्टामा पाँच तारे ‘होटल मेची क्राउन’ सञ्चालनमा आएको छ ।

कोरोना संक्रमणपछि बन्दा बन्दीले गर्दा निर्धारित समयभन्दा झण्डै ६ महिनापछि संचालनमा आएको यो होटलमा विजया दशमीको अवसरमा समेत देश भित्र र देश वाहिरका पाउनाले सेवा लिएका छन् । विशेष गरी पश्चिम बंगाल, दार्जेलिङ र सिक्किमका ग्राहकको होटलमा आकर्षण बढेको छ ।

पश्चिम बंगाल राज्यको पश्चिम उत्तर क्षेत्रमा पाँच तारे होटल नभएकाले नेपालीका साथै भारतीय र बंगलादेशका पर्यटकका लागि समेत बैकल्पिक रोजाईको होटल हुन सक्ने होटल मेची क्राउनका ब्यवस्थापक दीपक लेखकले जनाए ।

करिव एक अर्ब ५० करोडको लगानीमा खुलेको सो होटल ८ बिघा जमिनमा फैलिएको । होटल परिसरमा भीआइपीको आगमनका लागि हेलीप्याडको समेत व्यवस्था छ भने ५ सयभन्दा बढी सवारी साधन पार्किङको सुविधा छ ।

जम्मा एक सय ५ कोठा रहेको यो होटलमा ५ वटा मेची सुइट्स रुम, १० वटा एग्जुकेटिभ भिल्ला रुम, १९ मेची क्लब रुम र ७१ वटा डिलक्स रुम रहेको व्यवस्थापक लेखकले जनाए ।

विवाह, बैठक, सम्मेलन, सेमिनार आदीका लागि पनि सुबिधा सम्पन्न हल तथा दुई वटा रेष्टुरेन्ट रहेको होटल मेची क्राउनमा क्यासिनो समेत पूर्णरुपमा सञ्चालनमा आएपछि करिव एक हजार नेपालीले प्रत्यक्ष रोजगारी पाउने भएका छन् ।

राजधानी काठमाडौंवाहिर खुलेको यो होटल दोश्रो पाँच तारे होटल हो । उपत्यकावाहिरको पहिलो पाँच तारे होटल भने पोखरास्थित होटल फुलबारी हो ।

यो होटल भद्रपुर विमानस्थलबाट १७ किलोमिटरको दुरीमा छ भने भारतको पश्चिम बंगालस्थित बागडोग्रा अन्तराष्ट्रिय विमानस्थलबाट २५ किलोमिटरको दुरीमा रहेको छ।

सम्बन्धित समाचार

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०७७ कार्तिक १४, १८: २४

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...

सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
  • २०७७ कार्तिक १४, १८: २४

काठमाडौं । सरकारले भोटेकोशी बाढी प्रभावित क्षेत्रको पुनर्निर्माण तथा राहतका लागि चीन सरकारबाट प्राप्त हुने २ मिलियन अमेरिकी डलर अनुदान...

स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
  • २०७७ कार्तिक १४, १८: २४

काठमाडौँ । निर्वाचन आयोगले आगामी स्थानीय तह निर्वाचनको मिति निर्धारण गर्ने विषयमा संघीय संसद्मा प्रतिनिधित्व गर्ने राजनीतिक दलहरूसँग छलफल गर्ने...