ओलीलाई प्रचण्डकाे चेतावनीः सचिवालय बैठक डाक्ने वा परिस्थितिकाे सामना गर्ने ? – Naya Bikalpa
November 20, 2026, Friday      Epaper

ओलीलाई प्रचण्डकाे चेतावनीः सचिवालय बैठक डाक्ने वा परिस्थितिकाे सामना गर्ने ?


नयाँ विकल्प
काठमाडाैं- सत्तारूढ नेपाल कम्युनिष्ट पार्टी नेकपाकाे आन्तरिक विवाद चरम उत्कर्शमा पुगेका बेला दाेस्राे पुस्तका नेताहरूले विवाद समाधानकाे प्रयास पुनः सुरू गरेका छन् । प्रधानमन्त्री केपी शर्मा ओली र अर्का अध्यक्ष पुष्पकमल दहाल विचकाे टकराव पार्टी फुटकाे अवस्थामा पुगेकाे छ ।

यसै विचमा साेमबार महासचिव बिष्णु पाैंडेलले प्रचण्डलाइ भेटन उनकाे निवास खुमलटार पुगेका थिए । पार्टीमा देखिएकाे विवाद समाधानकालागि प्रधानमन्त्री ओलीको सन्देश लिएर पौडेल पुगे खुमलटार पुगेकाे स्राेतले बतायाे ।

खुमलटार पुगेका महासचिव पौडेलले पार्टी विधान अनुसार सचिवालय सदस्यहरूले लिखित माग गरेको १५ दिनभित्र विधानअनुसार बैठक बोलाउने जानकारी गराएका थिए ।प्रधानमन्त्रकाे सन्देश बाकेर आफ्नाे निवास आएका महासचिव विष्णु पाैंडेललाइ प्रचण्डले आफू कार्यकारी अध्यक्ष भएकाले ओलीलीकाे सहमति विना सचिवालय वा स्थायी समिति बैठक बोलाउने अधिकार रहेकाे जवाफ पठाएका छन् ।

स्राेतका अनुसार प्रचण्डले पार्टी भित्र सहमति खलबल नहाेस भनेर मात्र ओलीलाई लिखित पत्र दिएको भन्दै ताेकिएकाे समयमा सचिवालय बैठक नबाेलाए आफुले एकल निर्णयबाटै बैठक बाेलाउने र त्यसपछि सिर्जना हुने अबस्थाकाे जिम्मेवारी प्रधानमन्त्री तथा अर्का अध्यक्ष ओलीले लिनुपर्ने चेतावनी सहितकाे सन्देश पठाएका थिए ।

प्रचण्डले बहुमत सचिवालय सदस्यले माग गरेअनुसार प्रधानमन्त्री ओलीले सचिवालय बैठक बोलाउनु पर्ने बताए । गत शनिवार नेकपाकाे पार्टी कार्यालय धुम्बाराहिमा ओलीली इतर सचिवालय सदस्यहरू प्रचण्डसहित वरिष्ठ नेता झलनाथ खनाल, माधवकुमार नेपाल, उपाध्यक्ष वामदेव गौतम र प्रवक्ता नारायणकाजी श्रेष्ठले सचिवालय बैठकको माग गर्दे ओलीलाई लिखित पत्र बुझाएका थिए।

सम्बन्धित समाचार

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७७ कार्तिक २४, १४: १७

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...

प्रेस स्वतन्त्रतामाथि सरकारी हस्तक्षेपविरुद्ध तीन पत्रकार सङ्गठनको संयुक्त विज्ञप्ति, महासङ्घको आन्दोलनमा साथ
प्रेस स्वतन्त्रतामाथि सरकारी हस्तक्षेपविरुद्ध तीन पत्रकार सङ्गठनको संयुक्त विज्ञप्ति, महासङ्घको आन्दोलनमा साथ
  • २०७७ कार्तिक २४, १४: १७

काठमाडौँ, ४ मङ्सिर — पछिल्लो समय सरकारका विभिन्न निर्णय र व्यवहारबाट प्रेस तथा अभिव्यक्ति स्वतन्त्रतामाथि गम्भीर प्रहार भइरहेको भन्दै मुख्य...

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०७७ कार्तिक २४, १४: १७

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...