
नयाँ विकल्प,
काठमाडौं – राष्ट्रिय प्रजातन्त्र पार्टी (राप्रपा) का अध्यक्ष कमल थापाले नेकपा अध्यक्ष केपी शर्मा ओली नेतृत्वको सरकारलाई विद्युतीय सवारी (गाडी) मा लगाइएको भन्सार कर हटाउन माग गरेका छन् ।
सामाजिक सञ्जाल ट्विटरमा ट्विट गर्दै अध्यक्ष थापाले पुस्तकमा लगाईएको कर मन्त्रिपरिषद्को सोमबारको बैठकले हटाएकोमा धन्यवाद दिँदै सरकारलाई अब विद्युतबाट चल्ने सवारी (गाडी)मा बढाईएको भन्सार कर पनि कम्तिमा पुरानै अवस्थामा फर्काउन सरकारको ध्यानाकर्षण गराएका हुन् ।
थापाले लेखेकका छन् ‘पुस्तकमा भन्सार कर बढाउने सरकारको निर्णय ठिक थिएन । ढिलै भएपनि पुस्तकमा लाग्दै आएको कर हटाएकोमा सरकारलाई धन्यवाद । अब विद्युतबाट चल्ने गाडिमा बढाईएको कर पनि कम्तिमा पुरानै अवस्थामा फर्काउन सरकारको ध्यान आकर्षित गर्दछु ।’
प्रधानमन्त्री केपी शर्मा ओली र अर्थमन्त्री बिष्णुप्रसाद पौडेललाई ध्यानाकर्षण गर्दै बिद्युतीय गाडीको बिषयमा राप्रपा अध्यक्ष थापाले यसरी सम्झाएका हुन् । अध्यक्ष थापाले राष्ट्रिय विभूति महागुरु फाल्गुनन्दको १३६ औं जन्मजयन्तीको अवसरमा सबैमा हार्दिक शुभकामना समेत व्यक्त गरेका छन् ।
विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...
धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...
काठमाडौं । सरकारले भोटेकोशी बाढी प्रभावित क्षेत्रको पुनर्निर्माण तथा राहतका लागि चीन सरकारबाट प्राप्त हुने २ मिलियन अमेरिकी डलर अनुदान...