सशस्त्र प्रहरीका आठ डीआइजी र एक एसएसपीको काज सरुवा (सूची सहित)

नयाँ विकल्प
प्रकाशित मिती: २०७७ मंसिर १२, १४: ४१

नयाँ विकल्प

काठमाडाैं- गृह मन्त्रालयले सशस्त्र प्रहरी बल नेपालका आठजना नायब महानिरीक्षक (डीआइजी) र एकजना वरिष्ठ उपरीक्षकको काज सरुवा गरेको छ ।

गृहमन्त्री रामबहादुर थापाले बिहीबार मन्त्रिस्तरीय निर्णयर्दै उनीहरुको काज सरुवा गरेका हुन् ।

सशस्त्र प्रहरीको उपत्यका हेर्ने पशुपति बाहिनीको बाहिनीपतिमा सशस्त्र प्रवक्ता रहेका डीआइजी राजु अर्यालको काज सरुवा गरिएको छ । त्यहाँ रहेका डीआइजी प्रविणकुमार श्रेष्ठको बैद्यनाथ बाहिनी मुुख्यालय कैलाली र त्यही कार्यरत एसएसपी अभिकुमार खत्रीको महेश्वरी बाहिनी मुुख्यालय, सुुर्खेत काज सरुवा भएको छ । खत्रीलाई हाललाई निमित्त बाहिनीपतिको जिम्मेबारी दिइएको हो ।

यस्तै काज सरुवा हुनेहरुमा सशस्त्र मुख्यालय हल्चोक मानव स्रोतमा रहेका डीआइजी नारायणदत्त पौडेलको मुक्तिनाथ बाहिनी मुुख्यालय पोखरा, कार्य तथा सीमा सुरक्षा विभागमा रहेका डीआइजी चन्द्रप्रकाश गौतम (सीपी) को छिन्नमस्ता बाहिनी मुख्यालय महोत्तरी काज सरुवा भएको छ ।

छिन्नमस्तामा रहेका डीआइजी कृष्णभक्त बम्हचार्य र बैद्यनाथ बाहिनीका हरिशंकर बुढाथोकीको कार्य तथा सीमा सुरक्षा विभागमा काज सरुवा गरिएको छ । सशस्त्र मुख्यालय हल्चोक मानवस्रोतमा महेश्वरी बाहिनीका हरिश्चन्द्र अधिकारी र मुक्तिनाथ बाहिनीका राजेन्द्र बस्नेतलाई राष्ट्रिय सशस्त्र प्रहरी प्रशिक्षण प्रतिष्ठानमा काज सरुवा गरिएको हो ।