
नयाँ विकल्प,
काठमाडौं – नेपाली महिला मुक्तिको आन्दोलनकी अग्रणी नेतृ स्वर्गीय मंगलादेवी सिंहको ९६ औं जन्म जयन्तिको अवसरमा बिहीबार देशभर विविध कार्यक्रम आयोजना गरी मनाइयो । यसै सन्दर्भमा नेपाल महिला संघ काठमाडौं जिल्ला समितिले बिहीबार विशेष कार्यक्रम आयोजना गरेको छ ।
संघको काठमाडौं जिल्ला समितिले आयोजना गरेको कार्यक्रममा नेपाली कांग्रेस काठमाडौं जिल्ला समितिका सभापति सबुज (कृष्ण) वानियाँले जटिल परिस्थितिमा महिला मुक्ति आन्दोलनको अग्रहणी नेतृको अथक प्रयासबाट नै नेपालमा महिलाहरुले राजनीतिमा भाग लिन पाएको बताए ।
सभापति बानियाँले नेपालमा अब राजनीतिमा योगदान दिने महिलाहरुलाई अगाडि ल्याउने बेला आएको बताए । उनले स्वर्गीय मंगलादेवी सिंहले राजनीतिमा गरेको योगदानको नेपालको राजनीतिमा सँधै उच्च कदर हुने बताए ।

महिला संघ काठमाडौंकी सभापति विष्णुदेवी पुडासैनीले स्वर्गीय मंगलादेवी सिंहको अथक प्रयासबाटै हामी महिलाले राजनीतिमा प्रवेश गर्ने अवसर पाएकोले स्वर्गीय सिंह जस्तै त्यागी हुन महिला नेतृहरुलाई आव्हान गरिन् ।
एक सय ४ वर्षे जहानियाँ राणा शासनको अन्त्यका लागि भएको राजनीतिक आन्दोलनमा नेपाल महिला संघको स्थापना गरेर महिलामा राजनीतिक, सामाजिक र बैचारिक चेतान जगाउनमा ऐतिहासिक योगदान मंगलादेवी सिंहको रहेको छ ।

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...
काठमाडौँ, ४ मङ्सिर — पछिल्लो समय सरकारका विभिन्न निर्णय र व्यवहारबाट प्रेस तथा अभिव्यक्ति स्वतन्त्रतामाथि गम्भीर प्रहार भइरहेको भन्दै मुख्य...
धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...