किसानको भोटले सत्तामा पुगेपछि किसानलाई बिर्सिए, कमिसनवालालाई मात्र चिनेः कांग्रेस – Naya Bikalpa
November 20, 2026, Friday      Epaper

किसानको भोटले सत्तामा पुगेपछि किसानलाई बिर्सिए, कमिसनवालालाई मात्र चिनेः कांग्रेस

नयाँ बिकल्प,

काठमाडौं –उखु किसानले बेचेको चिनीको मुल्य चिनी मिल संचालकहरुले नदिनुमा सरकारले किसानलाई विर्सिएर कमिसनवालालाई चिनेकै कारण भएको कांग्रेसको ठहर छ ।

विगत एक सातादेखि उखु बेचेको पैशा नपाएको भन्दै माईतिघर मण्डलामा धर्नामा बसेका उखु किसानको आन्दोलनप्रति ऐक्यवद्धता जनाउन पुगेका कांग्रेसका प्रवक्ता विश्वप्रकाश शर्माले सरकारमा बस्नेहरुले कमिसनवालाहरुलाई बढी चिन्ने र किसानलाई नचिन्ने दिन आउँदा उखु किसानको समस्या समाधान हुन नसकेको बताए ।

‘उखु किसानहरु उखुको मोल खोज्न मात्र यहाँ आएका होइन, यो देशमा सरकार छ कि छैन भनेर खोज्नलाई आउनु भएको छ’, शर्माले भने, ‘चिनी उद्योगीहरुको समस्या के हो सरकारले जानोस तर उखु किसानका समस्या समाधान गर्नका लागि राज्यको तदारुकता हुनुपर्छ र राज्यले समन्वय गर्नु पर्छ ।’

शर्माले अघिल्लो वर्ष जस्तै यो वर्ष पनि चिसोमा काठमाडौं आउनु परेको भन्दै सरकारका एक मन्त्रीजीले ‘माइतिघरको धर्नामा बसेकाहरु वास्तविक किसान होइनन्’ भनेर किसानलाई विर्सिएको जनाए ।

चिनी उद्योगीहरु कुन राजनीतिक दलसँग निकट छन वा कुन किसानले कुन दललाई भोट हाल्यो भन्ने कुराले खास अर्थ नराख्ने भन्दै प्रवक्ता शर्माले महोत्तरी, धनुषा, सर्लाही रौतहटदेखि किसानहरु राजधानी आएर मेरो माग पुरा गर, मेरो पसिनाको मोल देउ भनेर माग्ने अवस्था आउनु दुर्भाग्यपूर्ण भएको दाबी गरे ।

‘सर्वहाराको नारा लगाएर सत्तामा पुगेको सरकारले सडकमा आएका सर्वहारा किसानको आवाजलाई तत्काल सुनुवाई गर्नु पर्छ’ शर्माले भने, ‘मन्त्रीजीले मन्त्रालय भित्र छिर्दै गर्दा कालो गाडिमा बसेर झण्डा फहराउँदै वा मन्त्रालयको कुर्सीमा खुट्टा हल्लाउँदैमा माइती घरमा किसान होइन भन्नेले किसानका कागजपत्र हेरिदिउन । कोही पनि गैरकिसानहरु यो काठमाडौंमा जाडोमा आएर मुल्य देउ भन्न आउँदैन ।’

प्रवक्ता शर्माले एउटा मन्त्रीको गैरजिम्मेवार अभिव्यक्ति एउटा सरकारको अभिव्यक्ति हो कि होइन भन्दै प्रश्न गरेका छन् । उनले यदि सरकारको त्यस्तै भनाई होइन भने तत्काल पहल गरेर किसानको मुल्य तिर्ने वातवरण बनाउन माग गरे ।

सम्बन्धित समाचार

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७७ मंसिर ३०, १६: ४५

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...

प्रेस स्वतन्त्रतामाथि सरकारी हस्तक्षेपविरुद्ध तीन पत्रकार सङ्गठनको संयुक्त विज्ञप्ति, महासङ्घको आन्दोलनमा साथ
प्रेस स्वतन्त्रतामाथि सरकारी हस्तक्षेपविरुद्ध तीन पत्रकार सङ्गठनको संयुक्त विज्ञप्ति, महासङ्घको आन्दोलनमा साथ
  • २०७७ मंसिर ३०, १६: ४५

काठमाडौँ, ४ मङ्सिर — पछिल्लो समय सरकारका विभिन्न निर्णय र व्यवहारबाट प्रेस तथा अभिव्यक्ति स्वतन्त्रतामाथि गम्भीर प्रहार भइरहेको भन्दै मुख्य...

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०७७ मंसिर ३०, १६: ४५

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...