प्रचण्डपत्नी सीतालाई मुम्बइ जानुअघि भेटे विप्लवका छोरा प्रकासले

नयाँ विकल्प
प्रकाशित मिती: २०७७ पुष २०, १४: ५३

नयाँ बिकल्प,
काठमाडौं –पूर्वप्रधानमन्त्री एवम् नेकपाका अध्यक्ष पुष्पकमल दाहाल ‘प्रचण्ड’ पत्नी सीतालाई अर्धभूमिगत नेपाल कम्युनिस्ट पार्टीका महासचिव नेत्रविक्रम चन्द ‘विप्लव’का छोराले सोमबार भेटेका छन् ।
पार्किन्सन जस्तै लक्षण देखिएको रोगबाट पीडित प्रचण्ड पत्नी सीतालाई सोमबार थप उपचारका लागि भारतको मुम्बई लैजानुअघि विप्लवपुत्र प्रकाशले बिहान भेट्न खुमलटार नै गएका थिए ।
एमवीवीएस अध्ययन पुरा गरी चिकित्सा पेशा अँगाल्दै आएका विप्लवपुत्र प्रकाशले स्वास्थ्यसम्बन्धी केही सुझावका साथै शिघ्र स्वास्थ्यलाभको कामना गरेका थिए । प्रकाशले सीतालाई ‘आमा’ भनेर सम्बोधन गर्दा सीताको गहभरि आँशु भरिएको तस्वीर सार्वजनिक भएको छ ।
प्रकाशले भेटेलगत्तै सीतालाई मुम्बई लगिएको थियो । सीतासँगै प्रचण्ड, छोरीहरु रेणु दाहाल र गंगा दाहाल पनि नयाँ दिल्ली हुँदै मुम्बइ तर्फ लागेका छन् ।

सम्बन्धित समाचार

रास्वपा उपसभापतिमा डा. स्वर्णिम वाग्ले निर्विरोध निर्वाचित

२०७७ पुष २०, १४: ५३

काठमाडौं । राष्ट्रिय स्वतन्त्र पार्टी (रास्वपा) को महाधिवेशनअन्तर्गत उपसभापति पदमा डा. स्वर्णिम वाग्ले निर्विरोध निर्वाचित भएका छन्। पदाधिकारी चयनका लागि...