दिवंगत मुखर्जीको दाबीः भारतमा नेपाललाई गाभ्ने त्रिभुवनको प्रस्ताव नेहरुले मानेनन – Naya Bikalpa
November 21, 2026, Saturday      Epaper

दिवंगत मुखर्जीको दाबीः भारतमा नेपाललाई गाभ्ने त्रिभुवनको प्रस्ताव नेहरुले मानेनन


एजेन्सी,

नयाँ दिल्ली – भारतीय पूर्वराष्ट्रपति तथा भारतीय कांग्रेस आईका नेता स्वर्गीय प्रणव मुखर्जीको पुस्तक द प्रेसिडेन्सियल इयर्स २०१२–२०१७ मा नेपाल र भारतबीचको सम्वन्ध बारे निकै बिबादस्पद दाबी सार्वजनिक गरिएको छ ।

स्वर्गीय मुखर्जीले आफू पाँच वर्ष भारतको राष्ट्रपतिमा बसेको कार्यकाललाई समेत समेटेर लेखेको सो पुस्तक उनको निधनपछि मंगलबार सार्वजनिक गरिएको छ ।

सो पुस्तकमा नेपाललाई भारतमा गाभ्न राजा त्रिभुवनले गरेको आग्रहलाई तत्कालीन भारतीय प्रधानमन्त्री जवाहरलाल नेहरुले अस्वीकार गरेको दावी गरिएको छ ।

तत्कालिन राजा त्रिभुवनको उक्त प्रस्तावलाई अश्वीकार गर्दै नेहरुले नेपाल स्वतन्त्र राष्ट्र रहेको र सधैँ स्वतन्त्र नै रहने बताएका थिए भनेर भारतीय अखबार दैनिक भाष्करले जनाएको छ ।

प्रणवको पुस्तकको केही अंश उधृत गर्दै दैनिक भाष्करले ‘यदी नेहरूको ठाउँमा इन्दिरा गान्धी भएको भए उनले सिक्किममा गरे झैँ यो अवसरको फाइदा उठाउन सक्थिन् ।’

भारतको १३ औँ राष्ट्रपतिको रुपमा मुखर्जीले सन् २०१२ देखि २०१७ सम्म सत्ता सम्हालेका थिए । भारतीय राष्ट्रिय कांग्रेसका वरिष्ठ नेता समेत रहेका मुखर्जी भारतीय सरकारका पूर्वअर्थमन्त्री समेत थिए ।

सम्बन्धित समाचार

सरोजकुमार यादव मधेस प्रदेशको मुख्यमन्त्री नियुक्त
सरोजकुमार यादव मधेस प्रदेशको मुख्यमन्त्री नियुक्त
  • २०७७ पुष २२, १३: ३२

जनकपुर । मधेस प्रदेशको मुख्यमन्त्रीमा जनता समाजवादी पार्टी (जसपा) नेपालका संसदीय दलका नेता सरोजकुमार यादव नियुक्त भएका छन् । प्रदेश...

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०७७ पुष २२, १३: ३२

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०७७ पुष २२, १३: ३२

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...