मलेसियामा संकटकाल घोषणा गरेपछि संसद पनि स्वतः निलम्बन – Naya Bikalpa
November 20, 2026, Friday      Epaper

मलेसियामा संकटकाल घोषणा गरेपछि संसद पनि स्वतः निलम्बन


काठमाडौ – कोरोना भाइरसको महामारी रोक्नका लागि मलेसिया सरकारले संकटकाल घोषणा गरेपछि त्यहाँको संसद पनि स्वतः निलम्वन भएको छ ।

मलेसियाका प्रधानमन्त्री मुहयिदिन यासिनको सिफारिसमा राजा अल सुल्तान अब्दुल्लाहले संकटकाल घोषणा गरेका हुन् । संकटकाल कोरोना महामारीको जोखिमको अवस्था हेरेर १ अगस्टसम्म वा त्यसभन्दा अघिसम्म लागू हुन सक्छ ।

मलेसियामा संकटकाल घोषणाको अर्थ कानूनत संसद् स्वतः निलम्बन हुनेछ भने प्रधानमन्त्री यासिनले आफ्नै स्वेच्छाले सरकार सञ्चालन गर्न पाउने भएका छन् । सोमबारसम्म यासिनले संकटकाल घोषणाको कुनै संकेतसम्म पनि गरेका थिएनन्।

प्रधानमन्त्री यासिनको यस्तो कदमपछि राजनीतिक वृत्तमा यसले ठूलो झट्का दिएको छ । ‘यो कदमले जनताको व्यक्तिगत सुरक्षा र देशको चासोलाई पनि सम्बोधन गरेको छ । पछिल्लो कोभिड १९ तथ्याङ्कलाई समेत आधार मानेर यो निर्णय लिइएको हो’ राजदरबारद्धारा मंगलबार जारी विज्ञप्तिमा भनिएको छ ।

राजा र प्रधानमन्त्रीबीच सोमबार साँझ भेटघाट भएको थियो । यासिनले यसअघि गत अक्टुुबरमा संकटकाल लगाउन सिफारिस गरेपनि तत्कालीन समय राजाले यस कदमलाई अस्विकार गरिदिएका थिए ।

त्यतिबेला संसद्मा आफ्नो नेतृत्वमाथि आइलागेको चुनौतीबाट भाग्नका लागि यासिनले स्वास्थ संकटको दुुरुपयोग गर्न खोजेको आरोप विपक्षीहरुले लगाएका थिए ।

मलेसियामा पछिल्लोपटक १९६९ मा संकटकाल घोषणा भएको थियो, जतिबेला साम्प्रदायिक दंगाका क्रममा देशको राजधानी शहरमा सयौंको ज्यान गएको थियो। लुटपाट समेत बढेको थियो।

सम्बन्धित समाचार

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७७ पुष २९, १२: ४९

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...

प्रेस स्वतन्त्रतामाथि सरकारी हस्तक्षेपविरुद्ध तीन पत्रकार सङ्गठनको संयुक्त विज्ञप्ति, महासङ्घको आन्दोलनमा साथ
प्रेस स्वतन्त्रतामाथि सरकारी हस्तक्षेपविरुद्ध तीन पत्रकार सङ्गठनको संयुक्त विज्ञप्ति, महासङ्घको आन्दोलनमा साथ
  • २०७७ पुष २९, १२: ४९

काठमाडौँ, ४ मङ्सिर — पछिल्लो समय सरकारका विभिन्न निर्णय र व्यवहारबाट प्रेस तथा अभिव्यक्ति स्वतन्त्रतामाथि गम्भीर प्रहार भइरहेको भन्दै मुख्य...

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०७७ पुष २९, १२: ४९

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...