म्यानमारकी नेतृ सुकीलाई तत्काल रिहा गर्न देउवाको माग – Naya Bikalpa
November 21, 2026, Saturday      Epaper
सैनिक नेतृत्वको कदमविरुद्ध अमेरिका र बेलायत

म्यानमारकी नेतृ सुकीलाई तत्काल रिहा गर्न देउवाको माग


काठमाडौं । नेपाली कांग्रेसका सभापति शेरबहादुर देउवाले म्यानमारकी नेतृ आङ सान सूकीलाई तत्काल रिहा गर्न म्यामारको सैन्य नेतृत्वसँग आग्रह गरेका छन् ।

सभापति देउवाले सोमबार सामाजि सञ्जाल ट्विटरमार्फत सुकीलाई तत्काल रिहा गर्न म्यानमारको सेनासँग आग्रह गरेका हुन् । ‘म्यानमारको सेनालाई आङ सान सुकीलाई तत्काल रिहा गर्नुका साथै निर्वाचित सरकार पुनस्र्थापना गर्न नेपाली कांग्रेस आग्रह गर्दछ’, सभापति देउवाले भनेका छन् ।

म्यानमारको सेनाले सोमबार बिहान म्यानमारका राष्ट्रपति विन मिन्ट, नेतृ आङ सान सुकीलगायतका राजनीतिक दलका शीर्ष नेता, मुख्यमन्त्री र सरकारी अधिकारीहरुलाई नियन्त्रणमा लिएको थियो ।

म्यानमारमा सेनाले सैन्य कू गरि निर्वाचति सरकार अपदस्थ गर्नुको कारण सरकार असफल भएर जनाएको छ । सेनाले एक वर्षका लागि मुलुक नियन्त्रणमा लिएको जनाएको छ ।

म्यानमारको सैन्य नेतृत्वको सो कदमको संयुक्त राज्य अमेरिकाले विरोध जनाउँदै सुचीलाई तत्काल रिहा गरी निर्वाचित सरकार पुनस्र्थापना गर्न माग गरेको छ । सुकीलाई रिहा गर्ने र निर्वाचित सरकार पुनस्र्थापना गर्ने काम नगरे अमेरिकाले ‘एक्सन’ लिने चेतावनी दिएको छ ।

गत नोभेम्बरमा भएको निर्वाचनमा सेना समर्थित दल पराजित भएपछि सेनाले निर्वाचनमा धाँधली भएको आरोप लगाएको थियो । निर्वाचनपछिको पहिलो संसद् बैठक बस्‍नुअघि सोमबार बिहान सेनाले सुकीसहितका नेताहरुलाई नियन्त्रणमा लिएको थियो ।

सेनाले कोरोना महामारी बढेको भन्दै निर्वाचन सार्न आग्रह गर्दा समेत सरकारले निर्वाचन गराएको थियो । निर्वाचनमा सुकीको पार्टीले चार सय ७६ मध्ये तीन सय ९६ सिट जितेको थियो । सेनाले निर्वाचनलाई धाँधलीको संज्ञा दिएको थियो ।

सोमबार बिहान निर्वाचनको मतपरिणामपछि बस्‍न लागेको पहिलो संसद अधिवेशन अघि सेनाले सुकीसहितका नेतालाई नियन्त्रणमा लिएर सत्ता कब्जा गरेको हो । म्यानमारका सञ्‍चारमाध्यमहरुमा पनि सेना परिचालन गरिएका छन् ।

सम्बन्धित समाचार

सरोजकुमार यादव मधेस प्रदेशको मुख्यमन्त्री नियुक्त
सरोजकुमार यादव मधेस प्रदेशको मुख्यमन्त्री नियुक्त
  • २०७७ माघ १९, १५: १७

जनकपुर । मधेस प्रदेशको मुख्यमन्त्रीमा जनता समाजवादी पार्टी (जसपा) नेपालका संसदीय दलका नेता सरोजकुमार यादव नियुक्त भएका छन् । प्रदेश...

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०७७ माघ १९, १५: १७

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०७७ माघ १९, १५: १७

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...