
नयाँ विकल्प
काठमाडाैं- प्रचण्ड-नेपाल नेतृत्वको नेकपाले घोषणा गरेको आमहड्तालका कारण आज सडकमा कमै मात्रामा गाडी चलेका छन्।
सार्वजनिक गाडीको संख्या कम भए पनि काठमाडौं उपत्यकामा दूध, तरकारीलगायतका अत्यावश्यक सेवाका गाडी र निजी गाडी फाट्ट फुट चलिरहेका छन्। बिहान मुख्य नाका नागढुंगा भएर आउने केही रात्री बस काठमाडौं भित्रिएको प्रहरीले जनाएको छ। सडक र गाडीमा केही अवरोध हुन सक्ने आशंकामा बिहानदेखि चोक-चोकमा बाक्लो संख्यामा प्रहरी खटिएका छन्।
यसैबिच बन्द गराउँदै हिडेका ५६ जनलाई प्रहरीले पक्राउ गरेको छ। सडकमा अवरोध गर्न खोज्नेलाई प्रहरीले निगरानी बढाई नियन्त्रणमा लिइरहेको छ। निर्धक्क भएर गाडी र व्यवसाय चलाउन सरकारको आग्रह गरेकाे छ ।
यसैबिच सरकारले आज पूर्ववत् रुपमै सार्वजनिक बसलगायत आ-आफ्नो उद्योगधन्दा, पेसा, व्यवसाय सञ्चालन गर्न उद्यमी व्यवसायीहरुलाई आग्रह गरेको छ। सरकारले सुरक्षाका दिने भन्दै आफ्नो नियमित काम नरोक्न गृह मन्त्रालयले बुधबार एक विज्ञप्ति जारी गर्दै आग्रह गरेको छ।
शान्ति सुरक्षामा खलल पुग्ने, सार्वजनिक तथा निजी सम्पत्तिको तोडफोड, आगजनी, सार्वजनिक गाडी अवरोधलगायतका गतिविधि गरेको पाइएमा त्यस्ता गतिविधिमा संलग्नमाथि कारबाही हुने गृहमन्त्रालयले विज्ञप्ति मार्फत जनाएकाे छ ।
जनकपुर । मधेस प्रदेशको मुख्यमन्त्रीमा जनता समाजवादी पार्टी (जसपा) नेपालका संसदीय दलका नेता सरोजकुमार यादव नियुक्त भएका छन् । प्रदेश...
काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...
चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...