गाउँ गाउँमा सडक नाटक महादान | Naya Bikalpa
February 7, 2023, Tuesday

गाउँ गाउँमा सडक नाटक महादान

बिदेशको टिकट रद्ध गर्दै निर्वाचनमा युवा

 

काठमाडौं । मुलुक यतीबेला चुनावमय भएको छ । पहिलो चरणको आगामी १० मंसिरमा हुने निर्वांचनको लागि प्रचार प्रसार तिब्र भईरहेको छ । जनताहरु गाउँ गाउँमा पुगिसकेका छन् । नेताहरु घर घरमा पुगिसकेका छन् । यस्तै करिब चार सय जना कलाकारहरु अहिले नाटक लिएर चुनाव बारे प्रचार प्रसारका लागि शहर देखि गाउँ गाउँमा पुगेका छन् ।
ती कलाकारहरुले विभिन्न सन्देश बोकेको सडक नाटक ‘महादान’ यतीबेला मुलुकका विभिन्न स्थानमा मञ्चन गरिरहेका छन् । नाटकको कथा अनुसार एउटा युवा बैदेशिक रोजगारीको लागि बिदेश जाने तयारीमा हुन्छ । ठिक यही समयमा गाउँघरमा प्रतिनिधि सभा र प्रदेश सभाको निर्वाचनको लहर चलिरहेकोछ । निर्वाचनकै दिन उसको बिदेश उड्ने टिकट छ । अन्तत सो युवाले बिदेश उड्ने टिकट रद्ध गर्छ । मुलुकमा प्राप्त गणतन्त्र र नयाँ संविधानलाई स्थापित गर्दै मुलुकमै अब केही गर्नु पर्छ भनेर उ गाउँ गाउँमा अबको चुनावमा कसरी मतदान गर्ने भनेर मतदाता शिक्षा दिन अहोरात्र खट्छ ।
प्रतिनिधि सभा र प्रदेश सभाको निर्वाचन सन्दर्भमा निर्वाचन अयोगद्धारा सञ्चालन गरिने मतदाता शिक्षा कार्यक्रम अन्तर्गत सडक नाटक सञ्चलनमा ल्याइएको हो । आरोहण गुरुकुलसँगको सहकार्यसँगै सांस्कृतिक संस्थान (राष्ट्रिय नाचघर)को संयोजकत्वमा विभिन्न नाट्य टोली अहिले फरक फरक निर्वाचन क्षेत्रमा सडक नाटक मार्फत निर्वाचन शिक्षा दिन व्यस्त छन् ।
यसै क्रममा पूर्वी जिल्ला पाँचथरका बिभिन्न गाउँपालीका स्थानिय बासिन्दाले मतदान शिक्षा लिएका छन् । हाम्रो थियटर समुहले जिल्लाका विभिन्न स्थानमा सडक नाटक महादान मञ्चन गर्दै निर्वाचन शिक्षा दिएको हो । यो समुहले शनिबार पाँचथर कुम्भायक गाउँपालीको यासोबजार, मित्राफुङ गाउँपालीकाको रबि बजार, तुम्बेवा गाउँपालीकाको दशमी बजार र फाल्गुनन्द गाउँपालीकोको घुर्विस कचमी बजारमा नाटक प्रदर्शन गरेको छ । नाटकमा उल्लेख्य जनसमुदायको सहभागीता रहेको र सबैले सुरु देखि अत्यसम्म नाटक चासो पुर्वक हेरेको थियटर समुहका निर्देशक प्रेम ओझाले जानकारी दिए ।
यस्तै नाचघरबाट निर्वाचन शिक्षाका लागि रामेछाप पुगेका कलाकारहरुले रामेछापको बिभिन्न स्थानमा नाटक मञ्चन गरेको छ । टोलीका प्रमुख रमेश केसी मट्टारेका अनुसार रामेछापको लिखु गाउँपालीकाको धोबी बजार, गोकुल गंगा गाउँपालीकाको रस्नालु बजारमा पनि नाटक प्रदर्शन गरिएको छ । नाचघरकै कलाकार आकाश थापाको नेतृत्वमा गएको अर्काे टोलीले दोलखाको बिभिन्न स्थानमा नाटक प्रदर्शन गरेको छ । टोलीले शनिबार दोलखाको चरिकोट बजारमा, जिल्ला निर्वाचन कार्यलय चरिकोटमा, कालिन्चोक गाँउपालीका सुनखानी बजारमा र विगु गाउँपालीका सिङटी बजारमा सडक नाटक महादान मञ्चन गरेको छ ।
‘हरेक ठाउँमा नाटक हेर्न स्थानीयहरुको प्रसस्त उपस्थिति रह्यो । ठाउँ अनुसार करिब दुई सय ५० देखि पाँच सयसम्म दर्शकको उपस्थिति भयो ।’ निर्देशक थापाले भने,‘महादान नाटक मञ्चनका क्रममा त्यहाँ आगामी १० मँसिरमा हुने प्रतिनिधि सभा र प्रदेश सभाको मतदान कसरी गर्ने भन्ने बारे दर्शकले चासो राखे ।’
शनिबार नै भिक्टोरिया इन्टरटेन्टमेन्ट प्रालीले पनि मुस्ताङको खासाङ गाउँपालीकाको केवाङ भन्ने ठाउँमा नाटक महादान प्रदर्शन गर्यो । नाटकका निर्देशक संगम कायस्थाका अनुसार यो ठाउँका स्थानियले नाटक मार्फत शिक्षासँगै मनोरञ्ज समेत लिए । एकसय हाराहरीको उपस्थितीमा सुरु गरिएको नाटक हेर्न वरपरका गाउँबाट समेत स्थिानिय आउँदा अन्तिमसम्ममा चारसय दर्शक नाघेको निर्देशक कायस्थाको भनाई रहेको छ ।
स.पु सास्कृतीक मञ्चले पनि शनिबार बझाङको बिभिन्न गाउँपालीकामा नाटक मञ्चन गरेको छ । त्यहाँको सुरुमा गाउँपालीकाबाट सुरु भएको नाटक तालकोट गाउँपालीका, जयपृथ्बी नगर गाउँपालीका, मास्ता गाउँपालीका हुँदै काडाँ गाउपालीका सम्ममा मञ्चन भयो । यि स्थानमा नाटक प्रदर्शनको क्रममा जिल्ला निर्वाचन अधिकारी ध्रुब कुमार अधिकारीको पनि साथ रहेको नाटक निर्देशक अनिल रिजालले बताए ।

सम्बन्धित समाचार

पनौतीमा पुसदेखि प्याराग्लाइडिङ
पनौतीमा पुसदेखि प्याराग्लाइडिङ
  • २०७४ मंसिर ४, ०९: ४५

काभ्रे । पनौती नगरस्थित कुशादेवी क्षेत्रमा आउँदो पुसदेखि प्याराग्लाइडिङ सञ्चालन हुने भएको छ । संस्कृति, पर्यटन तथा नागरिक उड्डयन मन्त्रालयले...

मनिषा कोइरालाले आज वसन्तपुर डबलीमा सम्बाेधन गर्दै
मनिषा कोइरालाले आज वसन्तपुर डबलीमा सम्बाेधन गर्दै
  • २०७४ मंसिर ४, ०९: ४५

काठमाडौं । राष्ट्रिय प्रजातन्त्र पार्टीले आज काठमाडौंको वसन्तपुर डबलीमा चुनावी सभा गर्दैछ । दिउँसो १ बजे हुने सभामा अध्यक्ष राजेन्द्र...

सुर्खेतमा चलचित्र महोत्सव
सुर्खेतमा चलचित्र महोत्सव
  • २०७४ मंसिर ४, ०९: ४५

सुर्खेत । युरोपियन युनियनको प्रतिनिधिमण्डलले पहिलोपटक सुर्खेतमा आयोजना गरेको ११औँ संस्करणको नेपाल–युरोपियन युनियन चलचित्र महोत्सव जारी छ ।कात्तिक १९ गतेदेखि...