
नयाँ बिकल्प,
पोखरा । गण्डकी प्रदेश प्रमुख सीताकुमारी पौडेलले प्रदेश सभामा सबैभन्दा ठूलो दलको नेताको हैसियतमा एमाले संसदीय दलका नेता पृथ्वीसुब्बा गुरुङलाई मुख्यमन्त्री नियुक्त गरेकी छन् । आजै मुख्यमन्त्रीमा नियुक्त भएका गुरुङलाई प्रदेश प्रमुख पौडेलले पद तथा गोपनियताको सपथ गराएकी छन् ।
वैशाख २६ गते मुख्यमन्त्री पृथ्वीसुब्बा गुरुङले राजीनामा दिनु भएपछि प्रदेश प्रमुख पौडेलले ३ दिनभित्र बहुमतको सरकार दाबी गर्न दलहरुलाई समय दिनुभएको थियो । ३ दिनको समय आज सकिएको थियो ।
नेपालको संविधानको १६८ को ९२० अनुसार ३ दिनभित्र बहुमत दाबी गर्न पौडेलले दिनुभएको समयमा नेपाली कांग्रेस प्रदेश संसदीय दलका नेता कृष्णचन्द्र नेपालीले आफूसँग बहुमत रहेको भन्दै दाबी प्रस्तुत गरेका थिए ।
तर प्रदेश प्रमुख पौडेलले नेपालको संविधानको धारा १६८ को (३) अनुसार ठूलो दलको हैसियतले एमालेका संसदीय दलका नेता गुरुङलाई मुख्यमन्त्रीमा नियुक्त गरेकी हुन् ।
जनमोर्चाका संसदीय दलका नेता कृष्ण थापा र अर्का सांसद खिमविक्रम शाहीले कांग्रेसका संसदीय दलका नेता कृष्णचन्द्र नेपालीको पक्षमा मत नदिने बताएपछि नेपालीले अन्य दल र सांसदको हस्ताक्षर नगरी दाबी पेश गरेका थिए ।

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...
चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...
विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...