मन्त्री पद खान एमालेका मुख्यमन्त्रीलाई सघाउँदा सांसद पद गुमाएका जसपाका सांसद सर्वोच्च पुगे – Naya Bikalpa
November 21, 2026, Saturday      Epaper

मन्त्री पद खान एमालेका मुख्यमन्त्रीलाई सघाउँदा सांसद पद गुमाएका जसपाका सांसद सर्वोच्च पुगे


नयाँ बिकल्प,
काठमाडौं । जनता समाजबादी पार्टीका अध्यक्ष उपेन्द्र यादवले पार्टी सदस्यबाट कारवाही गरी लुम्बिनी प्रदेशसभा सदस्यबाट पदमुक्त गर्न सिफारिस गरिएका चार प्रदेश सांसदले आइतबार सर्वोच्च अदालतमा रिट दर्ता गरेका छन् ।

लुम्बिनी प्रदेशका मुख्यमन्त्री शंकर पोखरेरबिरुद्ध नेकपा माओबादी र नेपाली कांग्रेसका सांसदहरुले अविश्वासको प्रस्ताव पेश गर्दा हस्ताक्षर गरेका जनता समाजबादी पार्टीका ति चार सांसदले पुन सो निर्णयबाट पछि हटेका थिए ।

आफूलाई सहयोग गरेपछि मुख्यमन्त्री पोखरेलले चारै सांसदलाई प्रदेश सरकारको मन्त्री बनाएका थिए । जसपा विवादकै बीच मुख्यमन्त्री पोखरेलको सरकार जोगाउन विपक्षीको अविश्वस प्रस्तावको हस्ताक्षर फिर्ता लिएका सन्तोषकुमार पाण्डेय, विजयबहादुर यदव, सुमन शर्मा र कल्पना पाण्डेलाई जसपा अध्यक्ष यादवले कारबाही गरेका थिए ।

जसपा अध्यक्ष यादवको सिफारिसमा प्रदेशसभा सदस्यबाट प्रदेशसभाका सभामुख पूर्णबहादुर घर्तीले वैशाख १६ गते पदमुक्त गरेका थिए । पदमुक्त भएपछि जसपाका अध्यक्ष महन्थ ठाकुरले प्रदेशसभामा पत्र पठाई जसपाले उनीहरूमाथि कारवाही नगरेको र प्रदेश समिति नै नबनेकाले प्रदेशको काम प्रदेशसभा संसदीय दलले नै गर्ने दाबी गरेका थिए ।

सभामुख घर्ती माओवादीबाट प्रदेशसभामा निर्वाचिन भएकाले ठाकुरको पत्र बेवास्ता गर्दै यादव पक्षको कारवाही सदर गरेको भन्दै चारैजना सांसद सो निर्णयविरुद्ध आइतबार रिट लिएर सर्वोच्च अदालत गएका हुन् ।

सम्बन्धित समाचार

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०७८ जेष्ठ २, २२: ५३

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०७८ जेष्ठ २, २२: ५३

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७८ जेष्ठ २, २२: ५३

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...