
नयाँ बिकल्प,
काठमाडौं । नेपाली कांग्रेसका केन्द्रीय सदस्य किरण गिरीले राष्ट्रपति बिद्यादेवी भण्डारीबाट नेपालको संबिधान च्यात्तिएको आरोप लागाउदै १४९ जना बहुमत सांसदको समर्थन लत्याएर प्रधानमन्त्रीमा दाबी पुगेन भन्नु र मध्यरातमा ज्ञानेन्द्र शैली अपनाउदै संसद विघटन गर्नु घोर निन्दनीय भएको बताएका छन् ।
शनिबार बिहान राति प्रतिनिधिसभा विघटन गरेको घटनाप्रति संक्षिप्त प्रतिक्रिया दिँदै नेता गिरीले राष्ट्रपतिको यस्तो कदम निरंकुश र असंवैधानिक भएको र नहुने चुनावको घोषणा गरेर राष्ट्रपति र प्रधानमन्त्रीले सत्ता लम्ब्याउने मात्रै काम गरेको आरोप लगाए ।
कांग्रेस केन्द्रीय सदस्य गिरीले भने, ‘चुनाब ज्ञानेन्द्र शाहले पनि घोषणा गरेका थिए । न चुनाब भयो न राजसंस्था नै रह्यो । रास्ट्रपति र प्रधानमन्त्री नेपालको संबिधान च्यात्न लागिपरेको देखियो । उनिहरुले छिट्टै ज्ञानेन्द्रको नियती भोग्न पर्ने छ।’
अब नेपालको राजनीति नयाँ द्वन्द र भिडन्तमा जाने खतरापूर्ण अबस्था आउन सक्ने भन्दै गिरीले कांग्रेसले कुनै पनि मुल्य चुकाउन किन नपरोस संबिधान र परिबर्तन संघीय लोकतान्त्रिक गणतन्त्र को संरक्षण गर्ने बाटोमा लाग्नु पर्नेमा जोड दिए ।
सत्तामा बसेर बिगत तीन बर्षदेखि प्रधानमन्त्रीको जाल, झेल, षड्यन्त्र र तिकडमलाई साथ ,सहयोग र समर्थन गर्दै रास्ट्रपति भण्डारीले पदिय मर्यादा र इज्जत गुमाउँदै आइरहेको धारणा राख्दै उनले १४९ जना बहुमत सांसदहरुको समर्थन लाई लत्याएर उनले के पी ओलीको पक्षपोषण गरेकी गिरीले आरोप लगाए ।
नेता गिरीले नेपाली जनताको भरोसा, बिश्वास र सहभागितामा आएको नेपालको संबिधान र परिबर्तनलाई समाप्त पार्ने तर्फ प्रधानमन्त्री र राष्ट्रपति सक्रिय रहेकोले मुलुक नयाँ द्वन्द र भिडन्त मा प्रबेश गर्ने खतरा रहेको गिरीले आंैल्याए ।
काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...
चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...
विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...