थुनुवालाई हिरासतबाट छुटाएर झण्डावाल गाडीमा राख्ने मन्त्री श्रेष्ठको एमाले बैठकमा राजिनामा माग – Naya Bikalpa
November 21, 2026, Saturday      Epaper

थुनुवालाई हिरासतबाट छुटाएर झण्डावाल गाडीमा राख्ने मन्त्री श्रेष्ठको एमाले बैठकमा राजिनामा माग


नयाँ बिकल्प,

काठमाडौ । नेकपा एमालेको दशौं राष्ट्रिय महाधिवेशन आयोजक कमिटीको बुधबार प्रधानमन्त्री निवास बालुवाटारमा बसेको बैठकमा शिक्षा मन्त्री कृष्णगोपाल श्रेष्ठको राजिनामा माग गरिएको छ।

नेकपा एमालेको १४औं राष्ट्रिय महाधिवेशन अयोजक कमिटीको बैठकमा केन्द्रीय सदस्य जगत विश्वकर्माले मन्त्री श्रेष्ठले जातिय विभेदको आरोपमा थुनामा रहेकी एक महिलालाई प्रहरी हिरासतबाट छुटाएर झण्डावाल गाडीमा राखी घर पुर्याएको भन्दै राजिनामा माग गरेका हुन्।

नेता विश्वकर्माले जातीय विभेदलाई प्रश्रय दिने काम गरेकाले मन्त्री श्रेष्ठले राजीनामा दिनुपर्ने माग गरेका हुन्। मन्त्री श्रेष्ठको कदमबारे अध्यक्ष तथा प्रधानमन्त्री केपी शर्मा ओलीलाई समेत गम्भीर हुन आग्रह गरेका छन्।

नेपाल उत्पीडित जातीय मुक्ति समाजको तर्फबाट समेत प्रधानमन्त्री ओलीलाई गम्भीर ध्यानाकर्षण गराइएको छ। संचारकर्मीसमेत रहेकी रुपा सुनारलाई दलित भएकै आधारमा काठमाडौंको बबरमहलकी सरस्वती प्रधानले खाली कोठा भाडामा नदिने भनेपछि प्रहरीमा उजुरी परेको थियो।

रुपा सुनारको जाहेरीको आधारमा जातिय विभेद गरेको भन्दै महानगरिय प्रहरी बृत्त सिंहदरबारले प्रधानले गत असार ६ गते उनको घरैबाट पक्राउ गरी प्रहरी हिरासतमा राखेर अनुसन्धान गरिरहेको थियो।

शिक्षा मन्त्री श्रेष्ठले दलबल सहित नारा जुलुस लगाएर प्रहरी बृत्त सिंहदरबार गएर प्रहरी अधिकृतलाई धम्क्याउँदै थर्काएर ति महिलालाई थुनमुक्त गरी मन्त्रीको हैसियतमा प्रयोग हुने झण्डावाल गाडीमा चढाएर उनको घर बबरमहलसम्म छाडेका थिए।

जातिय छुवाछुत र विभेदको आरोपमा थुनामा रहेकी महिलालाई मन्त्रीले नै संरक्षण गरिएको भन्दै राजधानीमा दिनहुँ जुलुस प्रदर्शन हुँदै आएका छन्।

सम्बन्धित समाचार

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०७८ असार १६, १४: २६

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०७८ असार १६, १४: २६

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७८ असार १६, १४: २६

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...