क्रियाशिल छानबिनको प्रतिवेदनमाथि गुरुङले किन लेखे ‘नोट अफ डिसेन्ट’? – Naya Bikalpa
November 21, 2026, Saturday      Epaper

क्रियाशिल छानबिनको प्रतिवेदनमाथि गुरुङले किन लेखे ‘नोट अफ डिसेन्ट’?




नयाँ बिकल्प,

काठमाडौं । नेपाली कांग्रेसको १४ औं महाधिवेशन प्रयोजनका लागि केन्द्रीय सदस्य रमेश लेखकको संयोजकत्वमा गठित क्रियाशिल सदस्यता छानबिन समितिका सदस्य कल्याण गुरुङले समितिले तयार पारेको १३ पेज लामो प्रतिवेदनमाथि ‘नोट अफ डिसेन्ट’ लेखेका छन्।

प्रतिवेदनमा सदस्य गुरुङको फरक मतसहित समितिले आफ्नो प्रतिवेदन पार्टीलाई बुझाएको छ। प्रधानमन्त्री तथा पार्टी सभापति शेरबहादुर देउवाको निजी निवास बूढानीलकण्ठमा भएको पार्टीको पदाधिकारी तथा पूर्वपदाधिकारीको मंगलबार बिहान बसेको बैठकमा प्रतिवेदन बुझाइएको थियो।

क्रियाशील सदस्यता सम्बन्धी सक्कल कागजात नआइकन प्रतिवेदन तयार पारिएकाले फरक मत राखेको गुरुङले बताएका छन्। समितिले बारा, सप्तरी, धनुषा र सर्लाही जिल्लामा देखिएको विवाद समाधान नगरिकनै प्रतिवेदन तयार पारेको थियो। क्रियाशील सदस्यता वितरणका विषयमा कांग्रेसको संस्थापन पक्ष र संस्थापनइतर पक्षबीच विवाद रहँदै आएको छ।

सदस्यता विवाद निर्धारित समयमै समाधान गर्न नसक्दा आज साउन १२ गतेदेखि हुने भनिएको वडाका अधिवेशन स्थगित गरिएको छ। अर्को तालिका समेत तय भएको छैन।

पार्टी केन्द्रीय कार्यसमितिको गत फागुन ६ गते बसेको बैठकले नेता लेखकको संयोजकत्वमा केन्द्रीय सदस्यहरु आनन्दप्रसाद ढुंगाना, श्यामकुमार घिमिरे, जीवन परियार, प्रदिप पौडेल, गुरुङ र योगन्द्र चौधरी सदस्य थिए।

सम्बन्धित समाचार

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०७८ श्रावण १२, १४: ४०

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०७८ श्रावण १२, १४: ४०

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७८ श्रावण १२, १४: ४०

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...