कायममुकायम प्रधानसेनापतिको जिम्मेवारी रथी प्रभुराम शर्मालाई – Naya Bikalpa
November 21, 2026, Saturday      Epaper

कायममुकायम प्रधानसेनापतिको जिम्मेवारी रथी प्रभुराम शर्मालाई


नयाँ बिकल्प,

काठमाडौं । सरकारले नेपाली सेनाका रथी प्रभुराम शर्मालाई कायममुकायम प्रधानसेनापतिको जिम्मेवारी दिने निर्णय गरेको छ । मन्त्रिपरिषद्को मंगलबारको बैठकले शर्मालाई कायममुकायम प्रधानसेनापतिको जिम्मेवारी दिने निर्णय गरेको हो।

शर्माले हाल सेनामा बलाध्यक्ष र बलाधिकृत रथीको जिम्मेवारी सम्हालिरहेका छन्। हालका प्रधानसेनापति पूर्णचन्द्र थापाले आगामी भदौ २५ गतेबाट तीन वर्षे सेवाअवधिका कारण अनिवार्य अवकाश पाउँदैछन्।

प्रधानसेनापतिले अवकाशको एक महीना अघि विदा बस्ने परम्परा भए पनि मन्त्रिपरिषद बैठकले प्रधानसेनापति थापा बिदामा बसेको दिनबाट शर्मालाई कायममुकायम प्रधानसेनापतिको जिम्मेवारी दिने निर्णय गरेको हो।

४३ औं प्रधानसेनापति पूर्णचन्द्र थापाले जेठ २३ मै पत्रकारसामू नेतृत्व हस्तान्तरणको प्रक्रिया सुरु भएको बताएका थिए।

नेपाली सेनाको ४४ औं प्रधानसेनापतिका रुपमा रथी प्रभुराम शर्माले नेतृत्व लिँदैछन् । युद्धकार्य महानिर्देशकको जिम्मेवारी सफलतापूर्वक पूरा गरेका शर्माले त्रिभुवन विश्वविद्यालयबाट इतिहासमा स्नातकोत्तर र भारतबाट नेशनल डिफेन्स कोर्स (एनडीसी) गरेका छन्।

भारत र अमेरिकामा उच्चशिक्षा एवम् सैन्य कला हासिल गरेका शर्मा नेपाली सेनाको इतिहासमा ब्राम्हण समुदायबाट प्रधानसेनापति हुने पहिलो शैन्यअधिकृत हुन्।

सम्बन्धित समाचार

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०७८ श्रावण १२, १८: ४४

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०७८ श्रावण १२, १८: ४४

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७८ श्रावण १२, १८: ४४

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...