सांसद दिलकुमारीको आरोप, ‘पूर्वमन्त्री साह हत्यारा, भ्रष्टाचारी र डन हो’ – Naya Bikalpa
November 21, 2026, Saturday      Epaper

सांसद दिलकुमारीको आरोप, ‘पूर्वमन्त्री साह हत्यारा, भ्रष्टाचारी र डन हो’


नयाँ बिकल्प,

काठमाडौं । नेकपा माओबादीका पूर्वसांसद तथा पूर्वमन्त्री प्रभु साहलाई प्रतिनिधिसभाकी एक सदस्यले हत्यारा, भ्रष्टाचारी र डन भएको आरोप लगाएकी छन्।

प्रतिनिधिसभाको शुक्रबारको बैठकमा बोल्दै सांसद दिलकुमारीले पूर्वमन्त्री साहमाथि यस्तो आरोप लगाएकी हुन्। उनले विकासप्रेमी देखिन खोजे पनि साह वास्तवमा हत्याराप्रेमी, भ्रष्टाचारप्रेमी र डनप्रेमी भएको आरोप लगाइन्।

साहले धर्म संस्कृति मनाउने नाममा महिलामाथि हिंसा गरेको, तराई क्षेत्रमा प्रचलित मदानी मेलाको नाममा भारतीय कलाकारहरु ल्याएर छाडा गीत गाउन र नाच्न लगाएर संस्कृतिको नाममा महिला हिंसा गरेको सांसद दिलकुमारीले आरोप लगाइन्।

भजनकृतन गरेर मनाउन पर्ने मेलामा महिलाको चरित्र हत्या हुने खाले नाच गान गर्ने गरेको भन्दै सांसद दिलकुमारीले साहबाट महिलामाथि अन्याय, अत्याचार तथा सभ्यतामाथि नै आघात पुग्ने गरी काम गरेको आरोप लगाइन।

विगत २ वर्षदेखि मदानी मेला लगाएर नैतिकहिन काम गरिरहेको आरोप लगाउँदै उनले भनिन्, ‘के समाजवादमा पुग्ने बाटो त्यही हो?’ मेलाबाट उठेको रकममा ठूलो भ्रष्टाचार गरेका साहले मेला लगाउनको लागि पाक्न लागेको गहुँ काटेर गरिबको गाँस खोसेको दाबी सांसद दिलकुमारीको थियो।

पूर्वमाओबादी केन्द्रका नेता साह तत्कालिन नेकपा माओबादीबाट रौतहटबाट प्रतिनिधिसभामा निर्वाचित भए पनि २०७७ साल चैतमा केपी शर्मा ओली नेतृत्वको नेकपा एमालेमा प्रवेश गरेपछि माओबादीले पदमुक्त गरेको थियो।

सम्बन्धित समाचार

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०७८ श्रावण १५, १७: १४

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०७८ श्रावण १५, १७: १४

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७८ श्रावण १५, १७: १४

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...