महन्थको रिटमा सर्वोच्चले अन्तरिम आदेश दिन मानेनःआयोगको निर्णय सद्धर – Naya Bikalpa
November 21, 2026, Saturday      Epaper

महन्थको रिटमा सर्वोच्चले अन्तरिम आदेश दिन मानेनःआयोगको निर्णय सद्धर

नयाँ बिकल्प।

काठमाडौं । जनता समाजबादी पार्टी (जसपा) नेपालको आधिकारिकता उपेन्द्र यादव नेतृत्वलाई दिने निर्वाचन आयोगको निर्णयलाई नै सद्धर गर्दै सर्वोच्च अदालतले आयोगको निर्णयबिरुद्ध परेको रिटमा अन्तरिम आदेश दिन अश्वीकार गरेको छ।

आधिकारिकता विवादमा सर्वोच्च अदालत पुगेका जसपाका नेता महन्थ ठाकुर पक्षको निर्वाचन आयोगको निर्णयविरुद्धको रिटमा अन्तरिम आदेश दिन अस्वीकार गरेको हो। आयोगले यादव नेतृत्वको समूहलाई पार्टीको आधिकारिकता दिएपछि नेता ठाकुर पक्ष अदालत पुगेको थियो।

नेता ठाकुरले दायर गरेको रिटमा न्यायाधीश प्रकाशमान सिंह राउतको इजलासले अन्तरिम आदेश दिन अस्वीकार गरेको हो। निर्वाचन आयोगले साउन ११ गते जसपाको आधिकारिकता यादव पक्षलाई दिएको थियो।

ठाकुरले आयोगको सो निर्णयबिरुद्ध गत साउन १५ गते सर्वोच्च गएका थिए। रिटमा निर्वाचन आयोगसमेतलाई विपक्षी बनाइएको थियो। जसपाको ५१ सदस्यीय कार्यकारिणी समितिमा ३४ जना अध्यक्ष यादव पक्षमा उभिएपछि आयोगले आधिकारिकता दिएको थियो। नेता ठाकुर पक्षमा १६ जना मात्रै उभिएका थिए।

सम्बन्धित समाचार

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०७८ श्रावण २०, १६: ५४

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०७८ श्रावण २०, १६: ५४

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०७८ श्रावण २०, १६: ५४

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...